Issues
Editor
Settings
Versions
Select Version
中文翻译1
中文
Vibhaṅgapāḷi
Vibhaṅgapāḷi

2. Abhidhammabhājanīyaṃ

Author： _System_Pali_VRI_ @ Administrator

2. Abhidhammabhājanīyaṃ

1. Rūpāvacarakusalaṃ

623. CattāriV0.297 jhānāni – paṭhamaṃ jhānaṃ , dutiyaṃ jhānaṃ , tatiyaṃ jhānaṃ , catutthaṃ jhānaṃ .
624. Tattha katamaṃ paṭhamaṃ jhānaṃ ?
Idha bhikkhu yasmiṃ samaye rūpūpapattiyā maggaṃ bhāveti vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samaye pañcaṅgikaṃ jhānaṃ hoti – vitakko , vicāro , pīti , sukhaṃ , cittassekaggatā .
Idaṃ vuccati ‘‘ paṭhamaṃ jhānaṃ ’’.
Avasesā dhammā jhānasampayuttā .
Tattha katamaṃ dutiyaṃ jhānaṃ ?
Idha bhikkhu yasmiṃ samaye rūpūpapattiyā maggaṃ bhāveti vitakkavicārānaṃ vūpasamā … pe … dutiyaṃ jhānaṃ upasampajja viharati pathavīkasiṇaṃM0.275 , tasmiṃ samaye tivaṅgikaṃ jhānaṃ hoti – pīti , sukhaṃ , cittassekaggatā .
Idaṃ vuccati ‘‘ dutiyaṃ jhānaṃ ’’.
Avasesā dhammā jhānasampayuttā .
TatthaP0.264T0.357 katamaṃ tatiyaṃ jhānaṃ ?
Idha bhikkhu yasmiṃ samaye rūpūpapattiyā maggaṃ bhāveti pītiyā ca virāgā … pe … tatiyaṃ jhānaṃ upasampajja viharati pathavīkasiṇaṃ , tasmiṃ samaye duvaṅgikaṃ jhānaṃ hoti – sukhaṃ , cittassekaggatā .
Idaṃ vuccati ‘‘ tatiyaṃ jhānaṃ ’’.
Avasesā dhammā jhānasampayuttā .
Tattha katamaṃ catutthaṃ jhānaṃ ?
Idha bhikkhu yasmiṃ samaye rūpūpapattiyā maggaṃ bhāveti sukhassa ca pahānā … pe … catutthaṃ jhānaṃ upasampajja viharati pathavīkasiṇaṃ , tasmiṃ samaye duvaṅgikaṃ jhānaṃ hoti – upekkhā , cittassekaggatā .
Idaṃ vuccati ‘‘ catutthaṃ jhānaṃ ’’.
Avasesā dhammā jhānasampayuttā .
Catukkaṃ .
625. IdhaV0.298 bhikkhu yasmiṃ samaye rūpūpapattiyā maggaṃ bhāveti vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samaye pañcaṅgikaṃ jhānaṃ hoti – vitakko , vicāro , pīti , sukhaṃ , cittassekaggatā .
Idaṃ vuccati ‘‘ paṭhamaṃ jhānaṃ ’’.
Avasesā dhammā jhānasampayuttā .
Idha bhikkhu yasmiṃ samaye rūpūpapattiyā maggaṃ bhāveti vivicceva kāmehi vivicca akusalehi dhammehi avitakkaṃ vicāramattaṃ vivekajaṃ pītisukhaṃ dutiyaṃ jhānaṃ upasampajja viharati pathavīkasiṇaṃ , tasmiṃ samaye caturaṅgikaṃ jhānaṃ hoti – vicāro , pīti , sukhaṃ , cittassekaggatā .
Idaṃ vuccati ‘‘ dutiyaṃ jhānaṃ ’’.
Avasesā dhammā jhānasampayuttā .
IdhaT0.358 bhikkhu yasmiṃ samaye rūpūpapattiyā maggaṃ bhāveti vitakkavicārānaṃ vūpasamā … pe … tatiyaṃ jhānaṃ upasampajja viharati pathavīkasiṇaṃ , tasmiṃ samaye tivaṅgikaṃ jhānaṃ hoti – pīti , sukhaṃ , cittassekaggatā .
Idaṃ vuccati ‘‘ tatiyaṃ jhānaṃ ’’.
Avasesā dhammā jhānasampayuttā .
Idha bhikkhu yasmiṃ samaye rūpūpapattiyā maggaṃ bhāveti pītiyā ca virāgā … pe … catutthaṃ jhānaṃ upasampajja viharati pathavīkasiṇaṃ , tasmiṃ samaye duvaṅgikaṃ jhānaṃ hoti – sukhaṃ , cittassekaggatā .
Idaṃ vuccati ‘‘ catutthaṃ jhānaṃ ’’.
Avasesā dhammā jhānasampayuttā .
IdhaM0.276 bhikkhu yasmiṃ samaye rūpūpapattiyā maggaṃ bhāveti sukhassa ca pahānā … pe … pañcamaṃ jhānaṃ upasampajja viharati pathavīkasiṇaṃ , tasmiṃ samaye duvaṅgikaṃ jhānaṃ hoti – upekkhā , cittassekaggatā .
Idaṃ vuccati ‘‘ pañcamaṃ jhānaṃ ’’.
Avasesā dhammā jhānasampayuttā .
Pañcakaṃ .

2. Arūpāvacarakusalaṃ

626. Idha bhikkhu yasmiṃ samaye arūpūpapattiyā maggaṃ bhāvetiP0.265 sabbaso ākiñcaññāyatanaṃV0.299 samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye duvaṅgikaṃ jhānaṃ hoti – upekkhā , cittassekaggatā .
Idaṃ vuccati ‘‘ catutthaṃ jhānaṃ ’’.
Avasesā dhammā jhānasampayuttā .

3. Lokuttarakusalaṃ

627. CattāriT0.359 jhānāni – paṭhamaṃ jhānaṃ , dutiyaṃ jhānaṃ , tatiyaṃ jhānaṃ , catutthaṃ jhānaṃ .
628. Tattha katamaṃ paṭhamaṃ jhānaṃ ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye pañcaṅgikaṃ jhānaṃ hoti – vitakko , vicāro , pīti , sukhaṃ , cittassekaggatā .
Idaṃ vuccati ‘‘ paṭhamaṃ jhānaṃ ’’.
Avasesā dhammā jhānasampayuttā .
Tattha katamaṃ dutiyaṃ jhānaṃ ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vitakkavicārānaṃ vūpasamā … pe … dutiyaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye tivaṅgikaṃ jhānaṃ hoti – pīti , sukhaṃ , cittassekaggatā .
Idaṃ vuccati ‘‘ dutiyaṃ jhānaṃ ’’.
Avasesā dhammā jhānasampayuttā .
TatthaM0.277 katamaṃ tatiyaṃ jhānaṃ ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā pītiyā ca virāgā … pe … tatiyaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye duvaṅgikaṃ jhānaṃ hoti – sukhaṃ , cittassekaggatā .
Idaṃ vuccati ‘‘ tatiyaṃ jhānaṃ ’’.
Avasesā dhammā jhānasampayuttā .
TatthaT0.360 katamaṃ catutthaṃ jhānaṃ ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā sukhassa ca pahānāV0.300 … pe … catutthaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye duvaṅgikaṃ jhānaṃ hoti – upekkhā , cittassekaggatā .
Idaṃ vuccati ‘‘ catutthaṃ jhānaṃ ’’.
Avasesā dhammā jhānasampayuttā .
Catukkaṃ .
629. Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāyaP0.266 bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye pañcaṅgikaṃ jhānaṃ hoti – vitakko , vicāro , pīti , sukhaṃ , cittassekaggatā .
Idaṃ vuccati ‘‘ paṭhamaṃ jhānaṃ ’’.
Avasesā dhammā jhānasampayuttā .
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi vivicca akusalehi dhammehi avitakkaṃ vicāramattaṃ vivekajaṃ pītisukhaṃ dutiyaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye caturaṅgikaṃ jhānaṃ hoti vicāro pīti sukhaṃ cittassekaggatā .
Idaṃ vuccati ‘‘ dutiyaṃ jhānaṃ ’’.
Avasesā dhammā jhānasampayuttā .
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vitakkavicārānaṃT0.361 vūpasamā … pe … tatiyaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye tivaṅgikaṃ jhānaṃ hoti – pīti , sukhaṃ , cittassekaggatā .
Idaṃ vuccati ‘‘ tatiyaṃ jhānaṃ ’’.
Avasesā dhammā jhānasampayuttā .
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā pītiyā ca virāgā … pe …M0.278 catutthaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye duvaṅgikaṃ jhānaṃ hoti – sukhaṃ , cittassekaggatā .
Idaṃ vuccati ‘‘ catutthaṃ jhānaṃ ’’.
Avasesā dhammā jhānasampayuttā .
IdhaV0.301 bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā sukhassa ca pahānā … pe … pañcamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye duvaṅgikaṃ jhānaṃ hoti – upekkhā , cittassekaggatā .
Idaṃ vuccati ‘‘ pañcamaṃ jhānaṃ ’’.
Avasesā dhammā jhānasampayuttā .
Pañcakaṃ .

4. Rūpāvacaravipākā

630. Cattāri jhānāni – paṭhamaṃ jhānaṃ , dutiyaṃ jhānaṃ , tatiyaṃ jhānaṃ , catutthaṃ jhānaṃ .
631. Tattha katamaṃ paṭhamaṃ jhānaṃ ?
Idha bhikkhu yasmiṃ samaye rūpūpapattiyā maggaṃ bhāveti vivicceva kāmehi … pe … paṭhamaṃ jhānaṃ upasampajjaT0.362 viharati pathavīkasiṇaṃ , tasmiṃ samaye phasso hoti … pe … avikkhepo hoti .
Ime dhammā kusalā .
Tasseva rūpāvacarassa kusalassa kammassa katattā upacitattā vipākaṃ vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samayeP0.267 pañcaṅgikaṃ jhānaṃ hoti – vitakko , vicāro , pīti , sukhaṃ , cittassekaggatā .
Idaṃ vuccati ‘‘ paṭhamaṃ jhānaṃ ’’.
Avasesā dhammā jhānasampayuttā .
Tattha katamaṃ dutiyaṃ jhānaṃ ?
Idha bhikkhu yasmiṃ samaye rūpūpapattiyā maggaṃ bhāveti vitakkavicārānaṃ vūpasamā … pe … dutiyaṃ jhānaṃ upasampajja viharati pathavīkasiṇaṃ , tasmiṃ samaye phasso hoti … pe … avikkhepo hoti .
Ime dhammā kusalā .
Tasseva rūpāvacarassa kusalassa kammassa katattā upacitattā vipākaṃ vitakkavicārānaṃ vūpasamā … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati pathavīkasiṇaṃ , tasmiṃ samaye duvaṅgikaṃ jhānaṃ hoti – upekkhā , cittassekaggatā .
Idaṃ vuccati ‘‘ pañcamaṃ jhānaṃ ’’.
Avasesā dhammā jhānasampayuttā … pe ….

5. Arūpāvacaravipākā

632. IdhaM0.279V0.302 bhikkhu yasmiṃ samaye arūpūpapattiyā maggaṃ bhāveti sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye phasso hoti … pe … avikkhepo hoti .
Ime dhammā kusalā .
Tasseva arūpāvacarassa kusalassaT0.363 kammassa katattā upacitattā vipākaṃ sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye duvaṅgikaṃ jhānaṃ hoti – upekkhā , cittassekaggatā .
Idaṃ vuccati ‘‘ catutthaṃ jhānaṃ ’’.
Avasesā dhammā jhānasampayuttā .

6. Lokuttaravipākā

633. Cattāri jhānāni – paṭhamaṃ jhānaṃ , dutiyaṃ jhānaṃ , tatiyaṃ jhānaṃ , catutthaṃ jhānaṃ .
634. Tattha katamaṃ paṭhamaṃ jhānaṃ ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye phasso hoti … pe … avikkhepoP0.268 hoti .
Ime dhammā kusalā .
Tasseva lokuttarassa kusalassa jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ suññataṃ , tasmiṃ samaye pañcaṅgikaṃ jhānaṃ hoti – vitakko , vicāro , pīti , sukhaṃ , cittassekaggatā .
Idaṃ vuccati ‘‘ paṭhamaṃ jhānaṃ ’’.
Avasesā dhammā jhānasampayuttā .
Tattha katamaṃ dutiyaṃ jhānaṃ ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vitakkavicārānaṃ vūpasamā … pe … dutiyaṃ jhānaṃ upasampajja viharatiT0.364 dukkhapaṭipadaṃ dandhābhiññaṃ , tasmiṃ samaye phasso hoti … pe … avikkhepo hoti .
Ime dhammā kusalā .
Tasseva lokuttarassa kusalassa jhānassaM0.280 katattā bhāvitattā vipākaṃ vitakkavicārānaṃ vūpasamā … pe … dutiyaṃ jhānaṃV0.303 … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati dukkhapaṭipadaṃ dandhābhiññaṃ suññataṃ , tasmiṃ samaye duvaṅgikaṃ jhānaṃ hoti – upekkhā , cittassekaggatā .
Idaṃ vuccati ‘‘ pañcamaṃ jhānaṃ ’’.
Avasesā dhammā jhānasampayuttā .

7. Rūpārūpāvacarakiriyā

635. Cattāri jhānāni – paṭhamaṃ jhānaṃ , dutiyaṃ jhānaṃ , tatiyaṃ jhānaṃ , catutthaṃ jhānaṃ .
636. Tattha katamaṃ paṭhamaṃ jhānaṃ ?
Idha bhikkhu yasmiṃ samaye rūpāvacaraṃ jhānaṃ bhāveti kiriyaṃ neva kusalaṃ nākusalaṃ na ca kammavipākaṃ diṭṭhadhammasukhavihāraṃ vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samaye pañcaṅgikaṃ jhānaṃ hoti – vitakko , vicāro , pīti , sukhaṃ , cittassekaggatā .
Idaṃ vuccati ‘‘ paṭhamaṃ jhānaṃ ’’.
Avasesā dhammā jhānasampayuttā .
Tattha katamaṃ dutiyaṃ jhānaṃ ?
Idha bhikkhu yasmiṃ samaye rūpāvacaraṃ jhānaṃ bhāveti kiriyaṃ neva kusalaṃ nākusalaṃ na ca kammavipākaṃ diṭṭhadhammasukhavihāraṃ vitakkavicārānaṃ vūpasamā … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃT0.365 jhānaṃ upasampajja viharati pathavīkasiṇaṃ , tasmiṃ samaye duvaṅgikaṃ jhānaṃ hoti – upekkhā , cittassekaggatā .
Idaṃ vuccati ‘‘ pañcamaṃP0.269 jhānaṃ ’’.
Avasesā dhammā jhānasampayuttā .
637. Idha bhikkhu yasmiṃ samaye arūpāvacaraṃ jhānaṃ bhāveti kiriyaṃ neva kusalaṃ nākusalaṃ na ca kammavipākaṃ diṭṭhadhammasukhavihāraṃ sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye duvaṅgikaṃ jhānaṃ hoti – upekkhā , cittassekaggatā .
Idaṃ vuccati ‘‘ catutthaṃ jhānaṃ ’’.
Avasesā dhammā jhānasampayuttāti .
Abhidhammabhājanīyaṃ .