11. Dutiyasaṅghabhedasikkhāpadavaṇṇanā
417-418.
Ekādasame
M2.363V2.321 yaṃ vacanaṃ samaggepi vagge avayavabhūte karoti bhindati , taṃ kalahakārakavacanaṃ idha vagganti vuccatīti āha ‘‘ vaggaṃ asāmaggipakkhiyavacanaṃ vadantī ’’ ti .Asāmaggipakkhe bhavā asāmaggipakkhiyā , kalahakā .
Tesaṃ vacanaṃ asāmaggipakkhiyavacanaṃ , asāmaggipakkhe vā bhavaṃ vacanaṃ asāmaggipakkhiyavacanaṃ .
Yasmā ubbāhikādikammaṃ bahūnampi kātuṃ vaṭṭati , tasmā ‘‘ na hi saṅgho saṅghassa kammaṃ karotī ’’ ti idaṃ niggahavasena kattabbakammaṃ sandhāya vuttanti veditabbaṃ .
Aṅgāni panettha bhedāya parakkamanaṃ pahāya anuvattanaṃ pakkhipitvā heṭṭhā vuttasadisāneva .
Dutiyasaṅghabhedasikkhāpadavaṇṇanā niṭṭhitā .