Anupaññattikathāvaṇṇanā

စာရေးဆရာ： _System_Pali_VRI_ @ Administrator

168. ItthīsuV2.222 paṭibaddhacittatā nāma chandarāgena sārattatā sāpekkhabhāvoti āha ‘‘ sārattā apekkhavanto ’’ ti .

Maraṇassa guṇakittanaṃ jīvite ādīnavadassanapubbaṅgamanti āha ‘‘ jīvite ādīnavaṃ dassetvā ’’ ti .

‘‘ Kiṃ tuyhiminā pāpakena dujjīvitenā ’’ ti idaṃ jīvite ādīnavadassanaṃ .

‘‘ MataṃM2.250 te jīvitā seyyo ’’ tiādi pana maraṇaguṇakittananti daṭṭhabbaṃ .

Lobhādīnaṃ ativiya ussannattā anupaparikkhitvā kataṃ sāhasikakammaṃ kibbisanti vuccatīti āha –

‘‘ kibbisaṃ sāhasikakammaṃ lobhādikilesussadan ’’ ti .

Kasmā idaṃ vuccatīti chabbaggiyānaṃyevedaṃ vacanaṃ .

Mata-saddo ‘‘ gatan ’’ tiādīsu viya bhāvavacanoti āha ‘‘ tava maraṇan ’’ ti .

Katakāloti katamaraṇakālo .

Atha vā kāloti maraṇassetaṃ adhivacanaṃ , tasmā katakāloti katamaraṇoti attho .

Tenevāha ‘‘ kālaṃ katvā , maritvā ’’ ti .

Divi bhavā dibbāti āha ‘‘ devaloke uppannehī ’’ ti .

Samappitoti yutto .

Samaṅgībhūtoti sammadeva ekībhāvaṃ gato .