Rasaggasaggitālakkhaṇavaṇṇanā
226. Samābhivāhiniyoti yathā tilaphalamattampi jivhagge ṭhapitaṃ sabbattha pharati , evaṃ samā hutvā vahanti .
Idha kammaṃ nāma aviheṭhanakammaṃ .
Kammasarikkhakaṃ nāma pāṇiādīhi pahāraṃ laddhassa tattha tattha lohitaṃ saṇṭhāti , gaṇṭhi gaṇṭhi hutvā antova pubbaṃ gaṇhāti , antova bhijjati , evaṃ so bahurogo hoti .
Tathāgatena pana dīgharattaṃ imaṃ ārogyakaraṇakammaṃ kataṃ .
Tadassa sadevako loko iminā kāraṇena jānātūti ārogyakaraṃ rasaggasaggilakkhaṇaṃ nibbattati .
Lakkhaṇaṃ nāma idameva lakkhaṇaṃ .
Appābādhatā ānisaṃso .
227. Maraṇavadhenāti
V3.108 ‘‘ etaṃ māretha etaṃ ghātethā ’’ ti evaṃ āṇattena maraṇavadhena .Ubbādhanāyāti
P3.937 bandhanāgārappavesanena .