Gopakavatthu

353.‘‘ Idheva , bhante , kapilavatthusmiṃ gopikā nāma sakyadhītā ahosi buddhe pasannā dhamme pasannā saṅghe pasannā sīlesu paripūrakārinī .

Sā itthittaṃ [ itthicittaṃ ( syā .)] virājetvā purisattaṃ [ purisacittaṃ ( syā .)] bhāvetvā kāyassa bhedā paraṃ maraṇā sugatiṃ saggaṃ lokaṃ upapannā .

Devānaṃ tāvatiṃsānaṃ sahabyataṃ amhākaṃ puttattaṃ ajjhupagatā .

Tatrapi naṃ evaṃ jānanti –

‘ gopako devaputto , gopako devaputto ’ ti .

Aññepi , bhante , tayo bhikkhū bhagavati brahmacariyaṃ caritvā hīnaṃ gandhabbakāyaṃ upapannā .

Te pañcahi kāmaguṇehi samappitā samaṅgībhūtā paricārayamānā amhākaṃ upaṭṭhānaṃ āgacchanti amhākaṃ pāricariyaṃ .

Te amhākaṃ upaṭṭhānaṃ āgate amhākaṃ pāricariyaṃ gopako devaputto paṭicodesiP2.272 –

‘ kutomukhā nāma tumheT2.306 , mārisā , tassa bhagavato dhammaṃ assuttha [ āyuhittha ( syā .)]– ahañhi nāma itthikā samānā buddhe pasannā dhamme pasannā saṅghe pasannā sīlesu paripūrakārinī itthittaṃ virājetvā purisattaṃ bhāvetvā kāyassa bhedā paraṃ maraṇā sugatiṃ saggaṃ lokaṃ upapannā , devānaṃ tāvatiṃsānaṃ sahabyataṃ sakkassa devānamindassa puttattaṃ ajjhupagatā .

Idhāpi maṃ evaṃ jānanti ‘‘ gopako devaputto gopako devaputto ’ ti .

Tumhe pana , mārisā , bhagavati brahmacariyaṃ caritvā hīnaṃ gandhabbakāyaṃ upapannā .

Duddiṭṭharūpaṃ vata , bho , addasāma , ye mayaṃ addasāmaM2.217 sahadhammike hīnaṃ gandhabbakāyaṃ upapanne ’ ti .

Tesaṃ , bhante , gopakena devaputtena paṭicoditānaṃ dveV2.200 devā diṭṭheva dhamme satiṃ paṭilabhiṃsu kāyaṃ brahmapurohitaṃ , eko pana devo kāme ajjhāvasi .

354.‘‘‘ Upāsikā cakkhumato ahosiṃ ,

Nāmampi mayhaṃ ahu ‘ gopikā ’ ti ;

Buddhe ca dhamme ca abhippasannā ,

Saṅghañcupaṭṭhāsiṃ pasannacittā .

‘‘‘ Tasseva buddhassa sudhammatāya ,

Sakkassa puttomhi mahānubhāvo ;

Mahājutīko tidivūpapanno ,

Jānanti maṃ idhāpi ‘ gopako ’ ti .

‘‘‘ AthaddasaṃT2.307 bhikkhavo diṭṭhapubbe ,

Gandhabbakāyūpagate vasīne ;

Imehi te gotamasāvakāse ,

Ye ca mayaṃ pubbe manussabhūtā .

‘‘‘ Annena pānena upaṭṭhahimhā ,

Pādūpasaṅgayha sake nivesane ;

KutomukhāP2.273 nāma ime bhavanto ,

Buddhassa dhammāni paṭiggahesuṃ [ buddhassa dhammaṃ na paṭiggahesuṃ ( syā .)].

‘‘‘ Paccattaṃ veditabbo hi dhammo ,

Sudesito cakkhumatānubuddho ;

Ahañhi tumheva upāsamāno ,

Sutvāna ariyāna subhāsitāni .

‘‘‘ SakkassaV2.201 puttomhi mahānubhāvo ,

Mahājutīko tidivūpapanno ;

Tumhe pana seṭṭhamupāsamānā ,

Anuttaraṃ brahmacariyaṃ caritvā .

‘‘‘ HīnaṃM2.218 kāyaṃ upapannā bhavanto ,

Anānulomā bhavatūpapatti ;

Duddiṭṭharūpaṃ vata addasāma ,

Sahadhammike hīnakāyūpapanne .

‘‘‘ GandhabbakāyūpagatāT2.308 bhavanto ,

Devānamāgacchatha pāricariyaṃ ;

Agāre vasato mayhaṃ ,

Imaṃ passa visesataṃ .

‘‘‘ Itthī hutvā svajja pumomhi devo ,

Dibbehi kāmehi samaṅgibhūto ’;

Te coditā gotamasāvakena ,

Saṃvegamāpādu samecca gopakaṃ .

‘‘‘ Handa viyāyāma [ vigāyāma ( syā .), vitāyāma ( pī .)] byāyāma [ viyāyamāma ( sī . pī .)],

Mā no mayaṃ parapessā ahumhā ’;

TesaṃP2.274 duve vīriyamārabhiṃsu ,

Anussaraṃ gotamasāsanāni .

‘‘ Idheva cittāni virājayitvā ,

Kāmesu ādīnavamaddasaṃsu ;

Te kāmasaṃyojanabandhanāni ,

Pāpimayogāni duraccayāni .

‘‘ NāgovaV2.202 sannāni guṇāni [ sandānaguṇāni ( sī . pī .), santāni guṇāni ( syā .)] chetvā ,

Deve tāvatiṃse atikkamiṃsu ;

Saindā devā sapajāpatikā ,

Sabbe sudhammāya sabhāyupaviṭṭhā .

‘‘ TesaṃT2.309 nisinnānaṃ abhikkamiṃsu ,

Vīrā virāgā virajaṃ karontā ;

Te disvā saṃvegamakāsi vāsavo ,

Devābhibhū devagaṇassa majjhe .

‘‘‘ ImehiM2.219 te hīnakāyūpapannā ,

Deve tāvatiṃse abhikkamanti ’;

Saṃvegajātassa vaco nisamma ,

So gopako vāsavamajjhabhāsi .

‘‘‘ Buddho janindatthi manussaloke ,

Kāmābhibhū sakyamunīti ñāyati ;

Tasseva te puttā satiyā vihīnā ,

Coditā mayā te satimajjhalatthuṃ .

‘‘‘ TiṇṇaṃP2.275 tesaṃ āvasinettha [ avasīnettha ( pī .)] eko ,

Gandhabbakāyūpagato vasīno ;

Dve ca sambodhipathānusārino ,

Devepi hīḷenti samāhitattā .

‘‘‘ Etādisī dhammappakāsanettha ,

Na tattha kiṃkaṅkhati koci sāvako ;

Nitiṇṇaoghaṃ vicikicchachinnaṃ ,

Buddhaṃ namassāma jinaṃ janindaṃ ’.

‘‘ YaṃT2.310V2.203 te dhammaṃ idhaññāya ,

Visesaṃ ajjhagaṃsu [ ajjhagamaṃsu ( syā .)] te ;

Kāyaṃ brahmapurohitaṃ ,

Duve tesaṃ visesagū .

‘‘ Tassa dhammassa pattiyā ,

Āgatamhāsi mārisa ;

Katāvakāsā bhagavatā ,

Pañhaṃ pucchemu mārisā ’’ ti .

355. Atha kho bhagavato etadahosi –

‘‘ dīgharattaṃ visuddho kho ayaṃ yakkho [ sakko ( sī . syā . pī .)], yaṃ kiñci maṃ pañhaṃ pucchissati , sabbaṃ taṃ atthasañhitaṃyeva pucchissati , no anatthasañhitaṃ .

Yañcassāhaṃ puṭṭho byākarissāmi , taṃ khippameva ājānissatī ’’ ti .

356. AthaM2.220 kho bhagavā sakkaṃ devānamindaṃ gāthāya ajjhabhāsi –

‘‘ Puccha vāsava maṃ pañhaṃ , yaṃ kiñci manasicchasi ;

Tassa tasseva pañhassa , ahaṃ antaṃ karomi te ’’ ti .

Paṭhamabhāṇavāro niṭṭhito .

357. KatāvakāsoP2.276 sakko devānamindo bhagavatā imaṃ bhagavantaṃ [ devānamindo bhagavantaṃ imaṃ ( sī . pī .)] paṭhamaṃ pañhaṃ apucchi –

‘‘ Kiṃ saṃyojanā nu kho , mārisa , devā manussā asurā nāgā gandhabbā yeT2.311 caññe santi puthukāyā , te –

‘ averā adaṇḍā asapattā abyāpajjā viharemu averino ’ ti iti ca nesaṃ hoti , atha ca pana saverā sadaṇḍā sasapattā sabyāpajjā viharanti saverino ’’ ti ?

Itthaṃ sakko devānamindo bhagavantaṃ pañhaṃ [ imaṃ paṭhamaṃ pañhaṃ ( sī . pī .)] apucchi .

Tassa bhagavā pañhaṃ puṭṭho byākāsi –

‘‘ Issāmacchariyasaṃyojanā kho , devānaminda , devā manussā asurā nāgā gandhabbā ye caññeV2.204 santi puthukāyā , te –

‘ averā adaṇḍā asapattā abyāpajjā viharemu averino ’ ti iti ca nesaṃ hoti , atha ca pana saverā sadaṇḍā sasapattā sabyāpajjā viharanti saverino ’’ ti .

Itthaṃ bhagavā sakkassa devānamindassa pañhaṃ puṭṭho byākāsi .

Attamano sakko devānamindo bhagavato bhāsitaṃ abhinandi anumodi –

‘‘ evametaṃ , bhagavā , evametaṃ , sugata .

Tiṇṇā mettha kaṅkhā vigatā kathaṃkathā bhagavato pañhaveyyākaraṇaṃ sutvā ’’ ti .

358. Itiha sakko devānamindo bhagavato bhāsitaṃ abhinanditvāP2.277 anumoditvā bhagavantaṃ uttariṃ [ uttariṃ ( sī . syā . pī .)] pañhaṃ apucchi –

‘‘ Issāmacchariyaṃ pana , mārisa , kiṃnidānaṃ kiṃsamudayaṃ kiṃjātikaṃ kiṃpabhavaṃ ;

kismiṃ sati issāmacchariyaṃ hoti ;

kismiṃ asati issāmacchariyaṃ na hotī ’’ ti ?

‘‘ Issāmacchariyaṃ kho , devānaminda , piyāppiyanidānaṃ piyāppiyasamudayaṃ piyāppiyajātikaṃ piyāppiyapabhavaṃ ;

piyāppiye sati issāmacchariyaṃ hoti , piyāppiye asati issāmacchariyaṃ na hotī ’’ ti .

‘‘ PiyāppiyaṃM2.221 kho pana , mārisa , kiṃnidānaṃ kiṃsamudayaṃ kiṃjātikaṃ kiṃpabhavaṃ ;

kismiṃ sati piyāppiyaṃ hoti ;

kismiṃ asati piyāppiyaṃ na hotī ’’ ti ?

‘‘ Piyāppiyaṃ kho , devānaminda , chandanidānaṃ chandasamudayaṃ chandajātikaṃ chandapabhavaṃ ;

chande sati piyāppiyaṃ hoti ;

chande asati piyāppiyaṃ na hotī ’’ ti .

‘‘ Chando kho pana , mārisa , kiṃnidāno kiṃsamudayo kiṃjātiko kiṃpabhavo ;

kismiṃ sati chandoT2.312 hoti ;

kismiṃ asati chando na hotī ’’ ti ?

‘‘ Chando kho , devānaminda , vitakkanidāno vitakkasamudayo vitakkajātiko vitakkapabhavo ;

vitakke sati chando hoti ;

vitakke asati chando na hotī ’’ ti .

‘‘ Vitakko kho pana , mārisa , kiṃnidāno kiṃsamudayo kiṃjātiko kiṃpabhavo ;

kismiṃ sati vitakko hoti ;

kismiṃ asati vitakko na hotī ’’ ti ?

‘‘ Vitakko kho , devānaminda , papañcasaññāsaṅkhānidāno papañcasaññāsaṅkhāsamudayo papañcasaññāsaṅkhājātiko papañcasaññāsaṅkhāpabhavo ;

papañcasaññāsaṅkhāya sati vitakko hoti ;

papañcasaññāsaṅkhāya asati vitakko na hotī ’’ ti .

‘‘ KathaṃV2.205 paṭipanno pana , mārisa , bhikkhu papañcasaññāsaṅkhānirodhasāruppagāminiṃ paṭipadaṃ paṭipanno hotī ’’ ti ?

Issues

Mahāvaggapāḷi

Mahāvaggapāḷi

Gopakavatthu

Gopakavatthu

Issues

Mahāvaggapāḷi

Mahāvaggapāḷi

Gopakavatthu

Gopakavatthu

Reading Settings