Issues
Editor
Settings
Mahāvaggapāḷi
Mahāvaggapāḷi

Naattapaññatti

Author： _System_Pali_VRI_ @ Administrator

Naattapaññatti

119.‘‘ Kittāvatā ca , ānanda , attānaṃ na paññapento na paññapeti ?
Rūpiṃ vā hi , ānanda , parittaṃ attānaṃ na paññapento na paññapeti –
‘ rūpī me paritto attā ’ ti .
RūpiṃV2.51 vā hi , ānanda , anantaṃ attānaṃ na paññapento na paññapeti –
‘ rūpī me ananto attā ’ ti .
Arūpiṃ vā hi , ānanda , parittaṃ attānaṃ na paññapento na paññapeti –
‘ arūpī me paritto attā ’ ti .
Arūpiṃ vā hi , ānanda , anantaṃT2.77 attānaṃ na paññapento na paññapeti –
‘ arūpī me ananto attā ’ ti .
120.‘‘ Tatrānanda , yo so rūpiṃ parittaṃ attānaṃ na paññapento na paññapeti .
Etarahi vā so rūpiṃ parittaṃ attānaṃ na paññapento na paññapeti , tattha bhāviṃ vā so rūpiṃ parittaṃ attānaṃ na paññapento na paññapeti ,‘ atathaṃ vā pana santaṃ tathattāya upakappessāmī ’ ti iti vā panassaP2.65 na hoti .
Evaṃ santaṃ kho , ānanda , rūpiṃ parittattānudiṭṭhi nānusetīti iccālaṃ vacanāya .
‘‘ TatrānandaM2.56 , yo so rūpiṃ anantaṃ attānaṃ na paññapento na paññapeti .
Etarahi vā so rūpiṃ anantaṃ attānaṃ na paññapento na paññapeti , tattha bhāviṃ vā so rūpiṃ anantaṃ attānaṃ na paññapento na paññapeti ,‘ atathaṃ vā pana santaṃ tathattāya upakappessāmī ’ ti iti vā panassa na hoti .
Evaṃ santaṃ kho , ānanda , rūpiṃ anantattānudiṭṭhi nānusetīti iccālaṃ vacanāya .
‘‘ Tatrānanda , yo so arūpiṃ parittaṃ attānaṃ na paññapento na paññapeti .
Etarahi vā so arūpiṃ parittaṃ attānaṃ na paññapento na paññapeti , tattha bhāviṃ vā so arūpiṃ parittaṃ attānaṃ na paññapento na paññapeti ,‘ atathaṃ vā pana santaṃ tathattāya upakappessāmī ’ ti iti vā panassa na hoti .
Evaṃ santaṃ kho , ānanda , arūpiṃ parittattānudiṭṭhi nānusetīti iccālaṃ vacanāya .
‘‘ Tatrānanda , yo so arūpiṃ anantaṃ attānaṃ na paññapento na paññapeti .
Etarahi vā so arūpiṃ anantaṃ attānaṃ na paññapento naT2.78 paññapeti , tattha bhāviṃ vā so arūpiṃ anantaṃ attānaṃ na paññapento na paññapeti ,‘ atathaṃ vā pana santaṃ tathattāya upakappessāmī ’ ti iti vā panassa naP2.66 hoti .
Evaṃ santaṃ kho , ānanda , arūpiṃ anantattānudiṭṭhi nānusetīti iccālaṃ vacanāya .
Ettāvatā kho , ānanda , attānaṃ na paññapento na paññapeti .