Dve satthavāhaupamā

Author： _System_Pali_VRI_ @ Administrator

Dve satthavāhaupamā

430.‘‘ Tena hi , rājañña , upamaṃ te karissāmi .

Upamāya midhekacce viññū purisā bhāsitassa atthaṃ ājānanti .

Bhūtapubbaṃ , rājañña , mahāsakaṭasattho sakaṭasahassaṃ puratthimā janapadā pacchimaṃ janapadaṃ agamāsi .

So yena yena gacchi , khippaṃyeva pariyādiyati tiṇakaṭṭhodakaṃ haritakapaṇṇaṃ .

Tasmiṃ kho pana satthe dve satthavāhā ahesuṃ ekoT2.381 pañcannaṃP2.343 sakaṭasatānaṃ , eko pañcannaṃ sakaṭasatānaṃ .

Atha kho tesaṃ satthavāhānaṃ etadahosi –

‘ ayaṃ kho mahāsakaṭasattho sakaṭasahassaṃ ;

te mayaṃ yena yena gacchāma , khippameva pariyādiyati tiṇakaṭṭhodakaṃV2.254 haritakapaṇṇaṃ .

Yaṃnūna mayaṃ imaṃ satthaṃ dvidhā vibhajeyyāma – ekato pañca sakaṭasatāni ekato pañca sakaṭasatānī ’ ti .

Te taṃ satthaṃ dvidhā vibhajiṃsu [ vibhajesuṃ ( ka .)] ekato pañca sakaṭasatāni , ekato pañca sakaṭasatāni .

Eko satthavāho bahuṃ tiṇañca kaṭṭhañca udakañca āropetvā satthaṃ payāpesi [ pāyāpesi ( sī . pī .)].

Dvīhatīhapayāto kho pana so sattho addasa purisaṃ kāḷaṃ lohitakkhaṃ [ lohitakkhiṃ ( syā .)] sannaddhakalāpaṃ [ āsannaddhakalāpaṃ ( syā .)] kumudamāliṃ allavatthaṃ allakesaṃ kaddamamakkhitehi cakkehiM2.273 bhadrena rathena paṭipathaṃ āgacchantaṃ ’, disvā etadavoca –

‘ kuto , bho , āgacchasī ’ ti ?

‘ Amukamhā janapadā ’ ti .

‘ Kuhiṃ gamissasī ’ ti ?

‘ Amukaṃ nāma janapadan ’ ti .

‘ Kacci , bho , purato kantāre mahāmegho abhippavuṭṭho ’ ti ?

‘ Evaṃ , bho , purato kantāre mahāmegho abhippavuṭṭho , āsittodakāni vaṭumāni , bahu tiṇañca kaṭṭhañcaP2.344 udakañca .

Chaḍḍetha , bho , purāṇāni tiṇāni kaṭṭhāni udakāni , lahubhārehi sakaṭehi sīghaṃ sīghaṃ gacchatha , mā yoggāni kilamitthā ’ ti .

‘‘ Atha kho so satthavāho satthike āmantesi –

‘ ayaṃ , bho , puriso evamāha –

‘‘ purato kantāre mahāmegho abhippavuṭṭho , āsittodakāni vaṭumāni , bahu tiṇañca kaṭṭhañca udakañca .

Chaḍḍetha , bho , purāṇāni tiṇāni kaṭṭhāni udakāni , lahubhārehi sakaṭehi sīghaṃ sīghaṃ gacchatha , māT2.382 yoggāni kilamitthā ’’ ti .

Chaḍḍetha , bho , purāṇāni tiṇāni kaṭṭhāni udakāni , lahubhārehi sakaṭehi satthaṃ payāpethā ’ ti .

‘ Evaṃ , bho ’ ti kho te satthikā tassa satthavāhassa paṭissutvā chaḍḍetvā purāṇāni tiṇāni kaṭṭhāni udakāni lahubhārehi sakaṭehi satthaṃ payāpesuṃ .

Te paṭhamepi satthavāse na addasaṃsu tiṇaṃ vā kaṭṭhaṃ vā udakaṃ vā .

Dutiyepi satthavāse … tatiyepi satthavāse … catutthepi satthavāse … pañcamepi satthavāse … chaṭṭhepi satthavāse … sattamepi satthavāse na addasaṃsu tiṇaṃ vā kaṭṭhaṃ vā udakaṃ vā .

Sabbeva anayabyasanaṃ āpajjiṃsu .

Ye ca tasmiṃ satthe ahesuṃ manussā vā pasū vā , sabbe so yakkho amanusso bhakkhesi .

Aṭṭhikāneva sesāni .

‘‘ Yadā aññāsi dutiyo satthavāho –

‘ bahunikkhanto kho , bho , dāni so sattho ’ ti bahuṃ tiṇañca kaṭṭhañca udakañca āropetvā satthaṃ payāpesi .

Dvīhatīhapayāto kho pana so sattho addasa purisaṃ kāḷaṃ lohitakkhaṃ sannaddhakalāpaṃP2.345 kumudamāliṃ allavatthaṃ allakesaṃ kaddamamakkhitehi cakkehi bhadrena rathena paṭipathaṃ āgacchantaṃ , disvā etadavoca –

‘ kuto , bho , āgacchasī ’ ti ?

‘ Amukamhā janapadā ’ ti .

‘ Kuhiṃ gamissasī ’ ti ?

‘ Amukaṃ nāma janapadan ’ ti .

‘ Kacci , bho , purato kantāre mahāmegho abhippavuṭṭho ’ ti ?

‘ Evaṃ , bho , purato kantāre mahāmegho abhippavuṭṭho .

Āsittodakāni vaṭumāni , bahuT2.383 tiṇañca kaṭṭhañca udakañca .

ChaḍḍethaM2.274V2.255 , bho , purāṇāni tiṇāni kaṭṭhāni udakāni , lahubhārehi sakaṭehi sīghaṃ sīghaṃ gacchatha , mā yoggāni kilamitthā ’ ti .

‘‘ Atha kho so satthavāho satthike āmantesi –

‘ ayaṃ , bho ,‘‘ puriso evamāha – purato kantāre mahāmegho abhippavuṭṭho , āsittodakāni vaṭumāni , bahu tiṇañca kaṭṭhañca udakañca .

Chaḍḍetha , bho , purāṇāni tiṇāni kaṭṭhāni udakāni , lahubhārehi sakaṭehi sīghaṃ sīghaṃ gacchatha ;

mā yoggāni kilamitthā ’’ ti .

Ayaṃ bho puriso neva amhākaṃ mitto , na ñātisālohito , kathaṃ mayaṃ imassa saddhāya gamissāma .

Na vo chaḍḍetabbāni purāṇāni tiṇāni kaṭṭhāni udakāni , yathābhatena bhaṇḍena satthaṃ payāpetha .

Na no purāṇaṃ chaḍḍessāmā ’ ti .

‘ Evaṃ , bho ’ ti kho te satthikā tassa satthavāhassa paṭissutvā yathābhatena bhaṇḍena satthaṃ payāpesuṃ .

Te paṭhamepi satthavāse na addasaṃsu tiṇaṃ vā kaṭṭhaṃP2.346 vā udakaṃ vā .

Tañca satthaṃ addasaṃsu anayabyasanaṃ āpannaṃ .

Ye ca tasmiṃ satthepi ahesuṃ manussā vā pasū vā , tesañca aṭṭhikāneva addasaṃsu tena yakkhena amanussena bhakkhitānaṃ .

‘‘ Atha kho so satthavāho satthike āmantesi –

‘ ayaṃ kho , bho , sattho anayabyasanaṃ āpanno , yathā taṃ tena bālenaT2.384 satthavāhena pariṇāyakena .

Tena hi , bho , yānamhākaṃ satthe appasārāni paṇiyāni , tāni chaḍḍetvā , yāni imasmiṃ satthe mahāsārāni paṇiyāni , tāni ādiyathā ’ ti .

‘ Evaṃ , bho ’ ti kho te satthikā tassa satthavāhassa paṭissutvā yāni sakasmiṃ satthe appasārāni paṇiyāni , tāni chaḍḍetvā yāni tasmiṃ satthe mahāsārāni paṇiyāni , tāni ādiyitvā sotthinā taṃ kantāraṃ nitthariṃsu , yathā taṃ paṇḍitena satthavāhena pariṇāyakena .

Evameva kho tvaṃ , rājañña , bālo abyatto anayabyasanaṃ āpajjissasi ayoniso paralokaṃ gavesanto seyyathāpi so purimo satthavāho .

Yepi tava [ te ( ka .)] sotabbaṃ saddhātabbaṃ [ saddahātabbaṃ ( pī . ka .)] maññissanti , tepi anayabyasanaṃ āpajjissanti , seyyathāpi te satthikā .

Paṭinissajjetaṃ , rājaññaM2.275 , pāpakaṃ diṭṭhigataṃ ;

paṭinissajjetaṃ , rājañña , pāpakaṃ diṭṭhigataṃ .

Mā te ahosi dīgharattaṃ ahitāya dukkhāyā ’’ ti .

431.‘‘ Kiñcāpi bhavaṃ kassapo evamāha , atha kho nevāhaṃ sakkomi idaṃ pāpakaṃ diṭṭhigataṃ paṭinissajjituṃ .

Rājāpi maṃ pasenadi kosalo jānāti tirorājānopi –

‘ pāyāsi rājaññoV2.256 evaṃvādī evaṃdiṭṭhī –

‘‘ itipiP2.347 natthi paro loko … pe … vipāko ’’’ ti .

Sacāhaṃ , bho kassapa , idaṃ pāpakaṃ diṭṭhigataṃ paṭinissajjissāmi , bhavissanti me vattāro –

‘ yāva bālo pāyāsi rājañño , abyatto duggahitagāhī ’ ti .

KopenapiT2.385 naṃ harissāmi , makkhenapi naṃ harissāmi , palāsenapi naṃ harissāmī ’’ ti .

Issues

Select Version

Mahāvaggapāḷi

Mahāvaggapāḷi