Dhātuthūpapūjā
239. Atha kho rājā māgadho ajātasattu vedehiputto rājagahe bhagavato sarīrānaṃ thūpañca mahañca akāsi .
Vesālikāpi
P2.167 licchavī vesāliyaṃT2.194 bhagavato sarīrānaṃ thūpañca mahañca akaṃsu .Kapilavatthuvāsīpi sakyā kapilavatthusmiṃ bhagavato sarīrānaṃ thūpañca mahañca akaṃsu .
Allakappakāpi bulayo allakappe bhagavato sarīrānaṃ thūpañca mahañca akaṃsu .
Rāmagāmakāpi koḷiyā rāmagāme bhagavato sarīrānaṃ thūpañca mahañca akaṃsu .
Veṭṭhadīpakopi brāhmaṇo veṭṭhadīpe bhagavato
M2.138 sarīrānaṃ thūpañca mahañca akāsi .Pāveyyakāpi mallā pāvāyaṃ bhagavato sarīrānaṃ thūpañca mahañca akaṃsu .
Kosinārakāpi mallā kusinārāyaṃ bhagavato sarīrānaṃ thūpañca mahañca akaṃsu .
Doṇopi brāhmaṇo tumbassa thūpañca mahañca akāsi .
Pippalivaniyāpi moriyā pippalivane
V2.126 aṅgārānaṃ thūpañca mahañca akaṃsu .Iti aṭṭha sarīrathūpā navamo tumbathūpo dasamo aṅgārathūpo .
Evametaṃ bhūtapubbanti .
240. Aṭṭhadoṇaṃ cakkhumato sarīraṃ , sattadoṇaṃ jambudīpe mahenti .
Ekañca doṇaṃ purisavaruttamassa , rāmagāme nāgarājā maheti .
Ekāhi dāṭhā tidivehi pūjitā , ekā pana gandhārapure mahīyati ;
Kāliṅgarañño vijite punekaṃ , ekaṃ pana nāgarājā maheti .
Tasseva
T2.195 tejena ayaṃ vasundharā ,Āyāgaseṭṭhehi mahī alaṅkatā ;
Evaṃ imaṃ cakkhumato sarīraṃ ,
Susakkataṃ sakkatasakkatehi .
Devindanāgindanarindapūjito
P2.168 ,Manussindaseṭṭhehi tatheva pūjito ;
Taṃ vandatha [ taṃ taṃ vandatha ( syā .)] pañjalikā labhitvā ,
Buddho have kappasatehi dullabhoti .
Cattālīsa samā dantā , kesā lomā ca sabbaso ;
Devā hariṃsu ekekaṃ , cakkavāḷaparamparāti .
Mahāparinibbānasuttaṃ niṭṭhitaṃ tatiyaṃ .