Subhaddādeviupasaṅkamanaṃ

265.‘‘ Atha kho , ānanda , subhaddāya deviyā bahunnaṃ vassānaṃ bahunnaṃ vassasatānaṃ bahunnaṃV2.141 vassasahassānaṃ accayena etadahosi –

‘ ciraṃ diṭṭho kho me rājā mahāsudassano .

Yaṃnūnāhaṃ rājānaṃ mahāsudassanaṃ dassanāya upasaṅkameyyan ’ ti .

Atha kho , ānanda , subhaddā devīT2.218 itthāgāraṃ āmantesi –

‘ etha tumhe sīsāni nhāyatha pītāni vatthāni pārupatha .

Ciraṃ diṭṭho no rājā mahāsudassano , rājānaṃ mahāsudassanaṃ dassanāya upasaṅkamissāmā ’ ti .

‘ Evaṃ , ayye ’ ti kho , ānanda , itthāgāraṃ subhaddāya deviyā paṭissutvā sīsāni nhāyitvā pītāni vatthāni pārupitvā yena subhaddā devī tenupasaṅkami .

Atha kho , ānanda , subhaddā devī pariṇāyakaratanaṃ āmantesi –

‘ kappehi , samma pariṇāyakaratana , caturaṅginiṃ senaṃ , ciraṃ diṭṭho no rājā mahāsudassano , rājānaṃ mahāsudassanaṃ dassanāya upasaṅkamissāmā ’ ti .

‘ Evaṃ , devī ’ ti kho , ānanda , pariṇāyakaratanaṃ subhaddāya deviyā paṭissutvā caturaṅginiṃ senaṃ kappāpetvā subhaddāya deviyā paṭivedesi –

‘ kappitā kho , devi , caturaṅginī senā , yassadāni kālaṃ maññasī ’ ti .

AthaP2.190 kho , ānanda , subhaddāM2.155 devī caturaṅginiyā senāya saddhiṃ itthāgārena yena dhammo pāsādo tenupasaṅkami ;

upasaṅkamitvā dhammaṃ pāsādaṃ abhiruhitvā yena mahāviyūhaṃ kūṭāgāraṃ tenupasaṅkami .

Upasaṅkamitvā mahāviyūhassa kūṭāgārassa dvārabāhaṃ ālambitvā aṭṭhāsi .

Atha kho , ānanda , rājā mahāsudassano saddaṃ sutvā –

‘ kiṃ nu kho mahato viya janakāyassa saddo ’ ti mahāviyūhā kūṭāgārā nikkhamanto addasa subhaddaṃ deviṃ dvārabāhaṃ ālambitvā ṭhitaṃ , disvāna subhaddaṃ deviṃ etadavoca –

‘ ettheva , devi , tiṭṭha mā pāvisī ’ ti .

Atha kho , ānanda , rājā mahāsudassano aññataraṃT2.219 purisaṃ āmantesi –

‘ ehi tvaṃ , ambho purisa , mahāviyūhā kūṭāgārā sovaṇṇamayaṃ pallaṅkaṃ nīharitvā sabbasovaṇṇamaye tālavane paññapehī ’ ti .

‘ Evaṃ , devā ’ ti kho , ānanda , so puriso rañño mahāsudassanassa paṭissutvā mahāviyūhā kūṭāgārā sovaṇṇamayaṃ pallaṅkaṃ nīharitvā sabbasovaṇṇamaye tālavane paññapesi .

Atha kho , ānanda , rājā mahāsudassano dakkhiṇena passena sīhaseyyaṃ kappesi pāde pādaṃ accādhāya sato sampajāno .

266.‘‘ Atha kho , ānanda , subhaddāya deviyā etadahosi –

‘ vippasannāni kho rañño mahāsudassanassa indriyāni , parisuddho chavivaṇṇo pariyodāto , mā heva kho rājā mahāsudassano kālamakāsī ’ ti rājānaṃ mahāsudassanaṃ etadavoca –

‘ Imāni te , deva , caturāsīti nagarasahassāni kusāvatīrājadhānippamukhāni .

Ettha , deva , chandaṃ janehi jīvite apekkhaṃ karohi .

ImāniP2.191 te , deva , caturāsīti pāsādasahassāni dhammapāsādappamukhāni .

Ettha , deva , chandaṃ janehi jīvite apekkhaṃ karohi .

Imāni te , deva , caturāsītiV2.142 kūṭāgārasahassāni mahāviyūhakūṭāgārappamukhāni .

Ettha , deva , chandaṃ janehi jīvite apekkhaṃ karohi .

Imāni te , deva , caturāsīti pallaṅkasahassāni sovaṇṇamayāni rūpiyamayāni dantamayāni sāramayāni gonakatthatāni paṭikatthatāni paṭalikatthatāni kadalimigapavarapaccattharaṇāni sauttaracchadāni ubhatolohitakūpadhānāni .

Ettha , deva , chandaṃ janehi , jīviteT2.220 apekkhaṃ karohi .

Imāni te , deva , caturāsīti nāgasahassāni sovaṇṇālaṅkārāni sovaṇṇadhajāni hemajālapaṭicchannāni uposathanāgarājappamukhāni .

Ettha , devaM2.156 , chandaṃ janehi jīvite apekkhaṃ karohi .

Imāni te , deva , caturāsīti assasahassāni sovaṇṇālaṅkārāni sovaṇṇadhajāni hemajālapaṭicchannāni valāhakaassarājappamukhāni .

Ettha , deva , chandaṃ janehi jīvite apekkhaṃ karohi .

Imāni te , deva caturāsīti rathasahassāni sīhacammaparivārāni byagghacammaparivārāni dīpicammaparivārāni paṇḍukambalaparivārāni sovaṇṇālaṅkārāni sovaṇṇadhajāni hemajālapaṭicchannāni vejayantarathappamukhāni .

Ettha , deva , chandaṃ janehi jīvite apekkhaṃ karohi .

Imāni te , deva , caturāsīti maṇisahassāni maṇiratanappamukhāni .

Ettha , deva , chandaṃ janehi jīvite apekkhaṃ karohi .

Imāni te , deva , caturāsīti itthisahassāni itthiratanappamukhāni .

Ettha , deva , chandaṃ janehi jīvite apekkhaṃ karohi .

Imāni te , deva , caturāsīti gahapatisahassāni gahapatiratanappamukhāni .

Ettha , deva , chandaṃ janehi jīvite apekkhaṃ karohi .

Imāni te , deva , caturāsīti khattiyasahassāni anuyantāni pariṇāyakaratanappamukhāni .

Ettha , deva , chandaṃ janehi jīvite apekkhaṃ karohi .

Imāni te , deva , caturāsīti dhenusahassāni duhasandanāniP2.192 kaṃsūpadhāraṇāni .

Ettha , deva , chandaṃ janehi jīvite apekkhaṃ karohi .

Imāni te , deva , caturāsīti vatthakoṭisahassāni khomasukhumānaṃ kappāsikasukhumānaṃ koseyyasukhumānaṃT2.221 kambalasukhumānaṃ .

Ettha , deva , chandaṃ janehi , jīvite apekkhaṃ karohi .

Imāni te , deva , caturāsīti thālipākasahassāni sāyaṃ pātaṃ bhattābhihāro abhihariyati .

Ettha , deva , chandaṃ janehi jīvite apekkhaṃ karohī ’ ti .

267.‘‘ Evaṃ vutte , ānanda , rājā mahāsudassano subhaddaṃ deviṃ etadavoca –

‘ Dīgharattaṃ kho maṃ tvaṃ , devi , iṭṭhehi kantehi piyehi manāpehi samudācarittha ;

atha ca pana maṃ tvaṃ pacchime kāle aniṭṭhehi akantehi appiyehi amanāpehi samudācarasī ’ ti .

‘ Kathaṃ carahi taṃ , deva , samudācarāmī ’ ti ?

‘ Evaṃ kho maṃ tvaṃ , devi , samudācara –

‘‘ sabbeheva , deva , piyehi manāpehi nānābhāvo vinābhāvo aññathābhāvo , mā kho tvaṃ , deva , sāpekkho kālamakāsi , dukkhā sāpekkhassa kālaṅkiriyā , garahitā ca sāpekkhassa kālaṅkiriyā .

ImāniV2.143 te , deva , caturāsīti nagarasahassāniM2.157 kusāvatīrājadhānippamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti pāsādasahassāni dhammapāsādappamukhāni .

Ettha , deva , chandaṃ pajaha jīvite apekkhaṃ mākāsi .

Imāni teP2.193 , deva , caturāsīti kūṭāgārasahassāni mahāviyūhakūṭāgārappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti nāgasahassāni sovaṇṇālaṅkārāni sovaṇṇadhajāni hemajālapaṭicchannāniT2.222 uposathanāgarājappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti assasahassāni sovaṇṇālaṅkārāni sovaṇṇadhajāni hemajālapaṭicchannāni valāhakaassarājappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti rathasahassāni sīhacammaparivārāni byagghacammaparivārāni dīpicammaparivārāni paṇḍukambalaparivārāni sovaṇṇālaṅkārāni sovaṇṇadhajāni hemajālapaṭicchannāni vejayantarathappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti maṇisahassāni maṇiratanappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti itthisahassāni subhaddādevippamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti gahapatisahassāni gahapatiratanappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti khattiyasahassāni anuyantāni pariṇāyakaratanappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti dhenusahassāni duhasandanāni kaṃsūpadhāraṇāni .

Ettha deva , chandaṃ pajaha jīvite apekkhaṃ mākāsi .

ImāniP2.194 te , deva , caturāsīti vatthakoṭisahassāni khomasukhumānaṃ kappāsikasukhumānaṃ koseyyasukhumānaṃ kambalasukhumānaṃ .

Ettha , deva , chandaṃ pajaha jīvite apekkhaṃT2.223 mākāsi .

Imāni te deva caturāsīti thālipākasahassāni sāyaṃ pātaṃ bhattābhihāro abhihariyati .

Ettha , deva , chandaṃ pajaha jīvite apekkhaṃ mākāsī ’’’ ti .

268.‘‘ EvaṃM2.158 vutte , ānanda , subhaddā devī parodi assūni pavattesi .

Atha kho , ānanda , subhaddā devī assūni puñchitvā [ pamajjitvā ( sī . syā . pī .), puñjitvā ( ka .)] rājānaṃ mahāsudassanaṃ etadavoca –

‘ SabbehevaV2.144 , deva , piyehi manāpehi nānābhāvo vinābhāvo aññathābhāvo , mā kho tvaṃ , deva , sāpekkho kālamakāsi , dukkhā sāpekkhassa kālaṅkiriyā , garahitā ca sāpekkhassa kālaṅkiriyā .

Imāni te , deva , caturāsīti nagarasahassāni kusāvatīrājadhānippamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti pāsādasahassāni dhammapāsādappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti kūṭāgārasahassāni mahāviyūhakūṭāgārappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti nāgasahassāni sovaṇṇālaṅkārāni sovaṇṇadhajāni hemajālapaṭicchannāni uposathanāgarājappamukhāni .

Ettha , deva , chandaṃ pajaha jīvite apekkhaṃ mākāsi .

Imāni teT2.224 , deva , caturāsīti assasahassāni sovaṇṇālaṅkārāni sovaṇṇadhajāni hemajālapaṭicchannāni valāhakaassarājappamukhāniP2.195 .

Ettha , deva , chandaṃ pajaha , jīvite apekkhaṃ mākāsi .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti maṇisahassāni maṇiratanappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti itthisahassāni itthiratanappamukhāni .

Ettha , deva , chandaṃ pajaha , jīvite apekkhaṃ mākāsi .

Imāni teM2.159 , deva , caturāsīti gahapatisahassāni gahapatiratanappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti khattiyasahassāni anuyantāni pariṇāyakaratanappamukhāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti dhenusahassāni duhasandanāni kaṃsūpadhāraṇāni .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti vatthakoṭisahassāni khomasukhumānaṃ kappāsikasukhumānaṃ koseyyasukhumānaṃ kambalasukhumānaṃ .

Ettha , deva , chandaṃ pajaha jīvite apekkhaṃ mākāsi .

Imāni te , deva , caturāsīti thālipākasahassāni sāyaṃ pātaṃ bhattābhihāro abhihariyati .

EtthaT2.225 , deva , chandaṃ pajaha jīvite apekkhaṃ mākāsī ’ ti .

Issues

Mahāvaggapāḷi

Mahāvaggapāḷi