Mahājanakāyaanupabbajjā
55.‘‘ Assosi kho , bhikkhave , bandhumatiyā rājadhāniyā mahājanakāyo caturāsīti pāṇasahassāni –
‘ vipassī kira kumāro kesamassuṃ ohāretvā kāsāyāni vatthāni acchādetvā
V2.23P2.30 agārasmā anagāriyaṃ pabbajito ’ ti .Sutvāna tesaṃ etadahosi –
‘ na hi nūna so orako dhammavinayo , na sā orakā [ orikā ( sī . syā .)] pabbajjā , yattha vipassī kumāro kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito .
Vipassīpi nāma kumāro kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajissati , kimaṅgaṃ [ kimaṅga ( sī .)] pana mayan ’ ti .
‘‘ Atha kho , so bhikkhave , mahājanakāyo [ mahājanakāyo ( syā .)] caturāsīti pāṇasahassāni kesamassuṃ ohāretvā kāsāyāni vatthāni acchādetvā vipassiṃ bodhisattaṃ agārasmā anagāriyaṃ pabbajitaṃ anupabbajiṃsu .
Tāya sudaṃ , bhikkhave , parisāya parivuto vipassī bodhisatto gāmanigamajanapadarājadhānīsu cārikaṃ carati .
56.‘‘ Atha kho , bhikkhave , vipassissa bodhisattassa rahogatassa paṭisallīnassa evaṃ cetaso parivitakko udapādi –
‘ na kho metaṃ [ na kho panetaṃ ( syā .)] patirūpaṃ yohaṃ ākiṇṇo viharāmi , yaṃnūnāhaṃ eko gaṇamhā vūpakaṭṭho vihareyyan ’ ti .
Atha kho , bhikkhave , vipassī bodhisatto aparena samayena eko
M2.26 gaṇamhā vūpakaṭṭho vihāsiT2.35 , aññeneva tāni caturāsīti pabbajitasahassāni agamaṃsu , aññena maggena vipassī bodhisatto .