Kāyānupassanā ānāpānapabbaṃ
374.‘‘ Kathañca
V2.215P2.291 pana , bhikkhave , bhikkhu kāye kāyānupassī viharati ?Idha , bhikkhave , bhikkhu araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā .
So satova assasati , satova passasati .
Dīghaṃ
T2.326 vā assasanto ‘ dīghaṃ assasāmī ’ ti pajānāti , dīghaṃ vā passasanto ‘ dīghaṃ passasāmī ’ ti pajānāti .Rassaṃ vā assasanto ‘ rassaṃ assasāmī ’ ti pajānāti , rassaṃ vā passasanto ‘ rassaṃ passasāmī ’ ti pajānāti .
‘ Sabbakāyapaṭisaṃvedī assasissāmī ’ ti sikkhati
M2.232 ,‘ sabbakāyapaṭisaṃvedī passasissāmī ’ ti sikkhati .‘ Passambhayaṃ kāyasaṅkhāraṃ assasissāmī ’ ti sikkhati ,‘ passambhayaṃ kāyasaṅkhāraṃ passasissāmī ’ ti sikkhati .
‘‘ Seyyathāpi , bhikkhave , dakkho bhamakāro vā bhamakārantevāsī vā dīghaṃ vā añchanto ‘ dīghaṃ añchāmī ’ ti pajānāti , rassaṃ vā añchanto ‘ rassaṃ añchāmī ’ ti pajānāti evameva kho , bhikkhave , bhikkhu dīghaṃ vā assasanto ‘ dīghaṃ assasāmī ’ ti pajānāti , dīghaṃ vā passasanto ‘ dīghaṃ passasāmī ’ ti pajānāti , rassaṃ vā assasanto ‘ rassaṃ assasāmī ’ ti pajānāti , rassaṃ vā passasanto ‘ rassaṃ passasāmī ’ ti pajānāti .
‘ Sabbakāyapaṭisaṃvedī assasissāmī ’ ti sikkhati ,‘ sabbakāyapaṭisaṃvedī passasissāmī ’ ti sikkhati ,‘ passambhayaṃ kāyasaṅkhāraṃ assasissāmī ’ ti sikkhati ,‘ passambhayaṃ kāyasaṅkhāraṃ passasissāmī ’ ti sikkhati .
Iti
P2.292 ajjhattaṃ vā kāye kāyānupassī viharati , bahiddhā vā kāye kāyānupassī viharati , ajjhattabahiddhā vā kāye kāyānupassī viharati .Samudayadhammānupassī vā kāyasmiṃ viharati , vayadhammānupassī vā kāyasmiṃ viharati , samudayavayadhammānupassī vā kāyasmiṃ viharati .
‘ Atthi kāyo ’ ti vā
T2.327 panassa sati paccupaṭṭhitā hoti yāvadeva ñāṇamattāya paṭissatimattāya anissito ca viharati , na ca kiñci loke upādiyati .Evampi kho [ evampi ( sī . syā . pī .)], bhikkhave , bhikkhu kāye kāyānupassī viharati .
Ānāpānapabbaṃ niṭṭhitaṃ .