Reṇurājaāmantanā

Author： _System_Pali_VRI_ @ Administrator

321.‘‘ Atha kho , bho , mahāgovindo brāhmaṇo yena reṇu rājā tenupasaṅkami ;

upasaṅkamitvā reṇuṃ rājānaṃ etadavoca –

‘‘ aññaṃ dāni bhavaṃ purohitaṃ pariyesatu , yo bhoto rajjaṃ anusāsissati .

Icchāmahaṃ , bhoT2.277 , agārasmā anagāriyaṃ pabbajituṃ .

Yathā kho pana me sutaṃ brahmuno āmagandhe bhāsamānassa , te na sunimmadayā agāraṃ ajjhāvasatā .

Pabbajissāmahaṃ , bho , agārasmā anagāriyan ’’ ti .

‘‘ Āmantayāmi rājānaṃ , reṇuṃ bhūmipatiṃ ahaṃ ;

Tvaṃ pajānassu rajjena , nāhaṃ porohicce rame ’’.

‘‘ Sace te ūnaṃ kāmehi , ahaṃ paripūrayāmi te ;

Yo taṃ hiṃsati vāremi , bhūmisenāpati ahaṃ ;

Tuvaṃ pitā ahaṃ putto , mā no govinda pājahi ’’[ pājehi ( aṭṭhakathāyaṃ saṃvaṇṇitapāṭhantaraṃ )].

‘‘ Namatthi ūnaṃ kāmehi , hiṃsitā me na vijjati ;

Amanussavaco sutvā , tasmāhaṃ na gahe rame ’’.

‘‘ AmanussoM2.196P2.244 kathaṃvaṇṇo , kiṃ te atthaṃ abhāsatha ;

Yañca sutvā jahāsi no , gehe amhe ca kevalī ’’.

‘‘ UpavutthassaV2.179 me pubbe , yiṭṭhukāmassa me sato ;

Aggi pajjalito āsi , kusapattaparitthato ’’.

‘‘ Tato me brahmā pāturahu , brahmalokā sanantano ;

So me pañhaṃ viyākāsi , taṃ sutvā na gahe rame ’’.

‘‘ Saddahāmi ahaṃ bhoto , yaṃ tvaṃ govinda bhāsasi ;

Amanussavaco sutvā , kathaṃ vattetha aññathā .

‘‘ Te taṃ anuvattissāma , satthā govinda no bhavaṃ ;

MaṇiT2.278 yathā veḷuriyo , akāco vimalo subho ;

Evaṃ suddhā carissāma , govindassānusāsane ’’ ti .

‘‘‘ Sace bhavaṃ govindo agārasmā anagāriyaṃ pabbajissati , mayampi agārasmā anagāriyaṃ pabbajissāma .

Atha yā te gati , sā no gati bhavissatī ’’ ti .