Bodhisattapabbajjā
54.‘‘ Atha
M2.25 kho , bhikkhave , vipassī kumāro sārathiṃ āmantesi –‘ tena hi , samma sārathi , rathaṃ ādāya itova antepuraṃ paccaniyyāhi .
Ahaṃ pana idheva kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajissāmī ’ ti .
‘ Evaṃ , devā ’ ti kho , bhikkhave , sārathi vipassissa
T2.34 kumārassa paṭissutvā rathaṃ ādāya tatova antepuraṃ paccaniyyāsi .Vipassī pana kumāro tattheva kesamassuṃ ohāretvā kāsāyāni vatthāni acchādetvā agārasmā anagāriyaṃ pabbaji .