Rājaaparihāniyadhammā

Author： _System_Pali_VRI_ @ Administrator

Rājaaparihāniyadhammā

134. Tena kho pana samayena āyasmā ānando bhagavato piṭṭhito ṭhito hoti bhagavantaṃ bījayamāno [ vījayamāno ( sī .), vījiyamāno ( syā .)].

Atha kho bhagavā āyasmantaṃ ānandaṃ āmantesi –

‘‘ kinti te , ānanda , sutaṃ ,‘ vajjī abhiṇhaṃ sannipātā sannipātabahulā ’ ti ?

‘‘ Sutaṃ metaṃ , bhante –

‘ vajjī abhiṇhaṃ sannipātā sannipātabahulā ’’ ti .

‘‘ Yāvakīvañca , ānanda , vajjī abhiṇhaṃ sannipātā sannipātabahulā bhavissanti , vuddhiyeva , ānanda , vajjīnaṃT2.87 pāṭikaṅkhā , no parihāni .

‘‘ Kinti te , ānanda , sutaṃP2.74 ,‘ vajjī samaggā sannipatanti , samaggā vuṭṭhahanti , samaggā vajjikaraṇīyāni karontī ’ ti ?

‘‘ Sutaṃ metaṃ , bhante –

‘ vajjī samaggā sannipatanti , samaggā vuṭṭhahanti , samaggā vajjikaraṇīyāni karontī ’’ ti .

‘‘ Yāvakīvañca , ānanda , vajjī samaggā sannipatissanti , samaggā vuṭṭhahissanti , samaggā vajjikaraṇīyāni karissanti , vuddhiyeva , ānanda , vajjīnaṃ pāṭikaṅkhā , no parihāni .

‘‘ Kinti te , ānanda , sutaṃ ,‘ vajjī apaññattaṃ na paññapenti , paññattaṃ na samucchindanti , yathāpaññatte porāṇe vajjidhamme samādāya vattantī ’’’ ti ?

‘‘ Sutaṃ metaṃ , bhante –

‘ vajjī apaññattaṃ na paññapenti , paññattaṃ na samucchindanti , yathāpaññatte porāṇe vajjidhamme samādāya vattantī ’’’ ti .

‘‘ Yāvakīvañca , ānanda ,‘‘ vajjī apaññattaṃ na paññapessanti , paññattaṃ na samucchindissanti , yathāpaññatte porāṇe vajjidhamme samādāya vattissanti , vuddhiyeva , ānanda , vajjīnaṃ pāṭikaṅkhā , no parihāni .

‘‘ KintiM2.63 te , ānanda , sutaṃ ,‘ vajjī ye te vajjīnaṃ vajjimahallakā , te sakkaronti garuṃ karonti [ garukaronti ( sī . syā . pī .)] mānenti pūjenti , tesañca sotabbaṃ maññantī ’’’ ti ?

‘‘ Sutaṃ metaṃ , bhante –

‘ vajjī yeV2.58 te vajjīnaṃ vajjimahallakā , te sakkaronti garuṃ karonti mānenti pūjenti , tesañca sotabbaṃ maññantī ’’’ ti .

‘‘ Yāvakīvañca , ānanda , vajjī ye te vajjīnaṃ vajjimahallakāT2.88 , te sakkarissanti garuṃ karissanti mānessanti pūjessanti , tesañca sotabbaṃ maññissanti , vuddhiyeva , ānanda , vajjīnaṃ pāṭikaṅkhā , no parihāni .

‘‘ Kinti te , ānanda , sutaṃ ,‘ vajjī yā tā kulitthiyo kulakumāriyo , tā na okkassa pasayha vāsentī ’’’ ti ?

‘‘ Sutaṃ metaṃ , bhante –

‘ vajjī yā tā kulitthiyo kulakumāriyo tā na okkassa pasayha vāsentī ’’’ ti .

‘‘ Yāvakīvañca , ānanda , vajjī yā tā kulitthiyo kulakumāriyo , tā na okkassa pasayha vāsessanti , vuddhiyeva , ānanda , vajjīnaṃ pāṭikaṅkhā , no parihāni .

‘‘ Kinti te , ānanda , sutaṃ ,‘ vajjī yāni tāni

Vajjīnaṃ vajjicetiyāni abbhantarāni ceva bāhirāni ca , tāni sakkaronti garuṃ karonti mānenti pūjenti , tesañca dinnapubbaṃ katapubbaṃ dhammikaṃ baliṃ no parihāpentī ’’’ ti ?

‘‘ SutaṃP2.75 metaṃ , bhante –

‘ vajjī yāni tāni vajjīnaṃ vajjicetiyāni abbhantarāni ceva bāhirāni ca , tāni sakkaronti garuṃ karonti mānenti pūjenti tesañca dinnapubbaṃ katapubbaṃ dhammikaṃ baliṃ no parihāpentī ’’’ ti .

‘‘ Yāvakīvañca , ānanda , vajjī yāni tāni vajjīnaṃ vajjicetiyāni abbhantarāni ceva bāhirāni ca , tāni sakkarissanti garuṃ karissanti mānessanti pūjessanti , tesañca dinnapubbaṃ katapubbaṃ dhammikaṃ baliṃ no parihāpessanti , vuddhiyeva , ānanda , vajjīnaṃ pāṭikaṅkhā , no parihāni .

‘‘ Kinti te , ānanda , sutaṃ ,‘ vajjīnaṃ arahantesu dhammikā rakkhāvaraṇagutti susaṃvihitā , kinti anāgatā ca arahanto vijitaṃ āgaccheyyuṃ , āgatā ca arahanto vijite phāsu vihareyyun ’’’ ti ?

‘‘ Sutaṃ metaṃ , bhante ‘ vajjīnaṃ arahantesu dhammikā rakkhāvaraṇagutti susaṃvihitā kinti anāgatā ca arahantoT2.89 vijitaṃ āgaccheyyuṃ , āgatā ca arahanto vijite phāsu vihareyyun ’’’ ti .

‘‘ Yāvakīvañca , ānanda , vajjīnaṃ arahantesu dhammikā rakkhāvaraṇagutti susaṃvihitā bhavissati , kinti anāgatā ca arahanto vijitaṃM2.64 āgaccheyyuṃ , āgatā ca arahanto vijite phāsu vihareyyunti .

Vuddhiyeva , ānanda , vajjīnaṃ pāṭikaṅkhā , no parihānī ’’ ti .

135. AthaV2.59 kho bhagavā vassakāraṃ brāhmaṇaṃ magadhamahāmattaṃ āmantesi –

‘‘ ekamidāhaṃ , brāhmaṇa , samayaṃ vesāliyaṃ viharāmi sārandade [ sānandare ( ka .)] cetiye .

Tatrāhaṃ vajjīnaṃ ime satta aparihāniye dhamme desesiṃ .

Yāvakīvañca , brāhmaṇa , ime satta aparihāniyā dhammā vajjīsu ṭhassanti , imesu ca sattasu aparihāniyesu dhammesu vajjī sandississanti , vuddhiyeva , brāhmaṇa , vajjīnaṃ pāṭikaṅkhā , no parihānī ’’ ti .

Evaṃ vutte , vassakāro brāhmaṇo magadhamahāmatto bhagavantaṃ etadavoca –

‘‘ ekamekenapi , bho gotama , aparihāniyena dhammena samannāgatānaṃ vajjīnaṃ vuddhiyeva pāṭikaṅkhā , no parihāniP2.76 .

Ko pana vādo sattahi aparihāniyehi dhammehi .

Akaraṇīyāva [ akaraṇīyā ca ( syā . ka .)], bho gotama , vajjī [ vajjīnaṃ ( ka .)] raññā māgadhena ajātasattunā vedehiputtena yadidaṃ yuddhassa , aññatra upalāpanāya aññatra mithubhedā .

Handa ca dāni mayaṃ , bho gotama , gacchāmaT2.90 , bahukiccā mayaṃ bahukaraṇīyā ’’ ti .

‘‘ Yassadāni tvaṃ , brāhmaṇa , kālaṃ maññasī ’’ ti .

Atha kho vassakāro brāhmaṇo magadhamahāmatto bhagavato bhāsitaṃ abhinanditvā anumoditvā uṭṭhāyāsanā pakkāmi .

Issues

Select Version

Mahāvaggapāḷi

Mahāvaggapāḷi