Ariyasaccakathā

Author： _System_Pali_VRI_ @ Administrator

Ariyasaccakathā

155. AthaV2.71P2.90 kho bhagavā āyasmantaṃ ānandaṃ āmantesi –

‘‘ āyāmānanda , yena koṭigāmo tenupasaṅkamissāmā ’’ ti .

‘‘ Evaṃ , bhante ’’ ti kho āyasmā ānando bhagavato paccassosi .

Atha kho bhagavā mahatā bhikkhusaṅghena saddhiṃ yena koṭigāmo tadavasari .

Tatra sudaṃT2.107 bhagavā koṭigāme viharati .

Tatra kho bhagavā bhikkhū āmantesi –

‘‘ CatunnaṃM2.77 , bhikkhave , ariyasaccānaṃ ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca .

Katamesaṃ catunnaṃ ?

Dukkhassa , bhikkhave , ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca .

Dukkhasamudayassa , bhikkhave , ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca .

Dukkhanirodhassa , bhikkhave , ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca .

Dukkhanirodhagāminiyā paṭipadāya , bhikkhave , ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca .

Tayidaṃ , bhikkhave , dukkhaṃ ariyasaccaṃ anubuddhaṃ paṭividdhaṃ , dukkhasamudayaṃ [ dukkhasamudayo ( syā .)] ariyasaccaṃ anubuddhaṃ paṭividdhaṃ , dukkhanirodhaṃ [ dukkhanirodho ( syā .)] ariyasaccaṃ anubuddhaṃ paṭividdhaṃ , dukkhanirodhagāminī paṭipadā ariyasaccaṃ anubuddhaṃ paṭividdhaṃ , ucchinnā bhavataṇhā , khīṇā bhavanetti , natthidāni punabbhavo ’’ ti .

Idamavoca bhagavā .

Idaṃ vatvāna sugato athāparaṃ etadavoca satthā –

‘‘ CatunnaṃP2.91 ariyasaccānaṃ , yathābhūtaṃ adassanā ;

Saṃsitaṃ dīghamaddhānaṃ , tāsu tāsveva jātisu .

Tāni etāni diṭṭhāni , bhavanetti samūhatā ;

Ucchinnaṃ mūlaṃ dukkhassa , natthi dāni punabbhavo ’’ ti .

TatrapiT2.108 sudaṃ bhagavā koṭigāme viharanto etadeva bahulaṃ bhikkhūnaṃ dhammiṃ kathaṃ karoti –

‘‘ iti sīlaṃ , iti samādhi , iti paññā .

Sīlaparibhāvito samādhi mahapphalo hoti mahānisaṃso .

Samādhiparibhāvitā paññā mahapphalā hoti mahānisaṃsā .

Paññāparibhāvitaṃ cittaṃ sammadeva āsavehi vimuccati , seyyathidaṃ – kāmāsavā , bhavāsavā , avijjāsavā ’’ ti .

Issues

Select Version

Mahāvaggapāḷi

Mahāvaggapāḷi