Natthikavādo
410. Ekamantaṃ
V2.239 nisinno kho pāyāsi rājañño āyasmantaṃ kumārakassapaṃ etadavoca –‘‘ ahañhi , bho kassapa , evaṃvādī evaṃdiṭṭhī –
‘ itipi natthi paro loko , natthi sattā opapātikā , natthi sukatadukkaṭānaṃ kammānaṃ phalaṃ vipāko ’’’ ti .
‘‘ Nāhaṃ , rājañña , evaṃvādiṃ evaṃdiṭṭhiṃ addasaṃ vā assosiṃ vā .
Kathañhi nāma evaṃ vadeyya –
‘ itipi natthi paro loko , natthi sattā opapātikā , natthi sukatadukkaṭānaṃ kammānaṃ phalaṃ vipāko ’ ti ?