Tathāgatapacchimavācā

Author： _System_Pali_VRI_ @ Administrator

Tathāgatapacchimavācā

216. AthaP2.154 kho bhagavā āyasmantaṃ ānandaṃ āmantesi –

‘‘ siyā kho panānanda , tumhākaṃ evamassa –

‘ atītasatthukaṃ pāvacanaṃ , natthi no satthā ’ ti .

Na kho panetaṃ , ānanda , evaṃ daṭṭhabbaṃ .

Yo vo , ānanda , mayā dhammo ca vinayoM2.127 ca desito paññatto , so vo mamaccayena satthā .

Yathā kho panānanda , etarahi bhikkhū aññamaññaṃ āvusovādena samudācaranti , na kho mamaccayena evaṃ samudācaritabbaṃ .

Theratarena , ānanda , bhikkhunā navakataro bhikkhu nāmena vā gottena vā āvusovādena vā samudācaritabbo .

Navakatarena bhikkhunā therataro bhikkhu ‘ bhante ’ ti vā ‘ āyasmā ’ ti vā samudācaritabbo .

Ākaṅkhamāno , ānanda , saṅgho mamaccayena khuddānukhuddakāni sikkhāpadāni samūhanatu .

Channassa , ānanda , bhikkhuno mamaccayena brahmadaṇḍo dātabbo ’’ ti .

‘‘ Katamo pana , bhante , brahmadaṇḍo ’’ ti ?

‘‘ Channo , ānanda , bhikkhu yaṃ iccheyya , taṃ vadeyya .

So bhikkhūhi neva vattabbo , na ovaditabbo , na anusāsitabbo ’’ ti .

217. Atha kho bhagavā bhikkhū āmantesi –

‘‘ siyā kho pana , bhikkhave , ekabhikkhussāpi kaṅkhā vā vimati vā buddhe vā dhamme vā saṅghe vā magge vā paṭipadāya vā , pucchatha , bhikkhave , mā pacchā vippaṭisārinoP2.155 ahuvattha –

‘ sammukhībhūto no satthā ahosiV2.116 , na mayaṃ sakkhimhā bhagavantaṃ sammukhā paṭipucchitun ’’’ ti .

Evaṃ vutte te bhikkhū tuṇhī ahesuṃ .

Dutiyampi kho bhagavā … pe … tatiyampi kho bhagavā bhikkhū āmantesi –

‘‘ siyā kho pana , bhikkhave , ekabhikkhussāpi kaṅkhā vā vimati vā buddhe vā dhamme vā saṅghe vā magge vā paṭipadāya vā , pucchatha , bhikkhave , mā pacchā vippaṭisārino ahuvattha –

‘ sammukhībhūto no satthā ahosiT2.179 , na mayaṃ sakkhimhā bhagavantaṃ sammukhā paṭipucchitun ’’’ ti .

Tatiyampi kho te bhikkhū tuṇhī ahesuṃ .

Atha kho bhagavā bhikkhū āmantesi –

‘‘ siyā kho pana , bhikkhave , satthugāravenapi na puccheyyātha .

Sahāyakopi , bhikkhave , sahāyakassa ārocetū ’’ ti .

Evaṃ vutte te bhikkhū tuṇhī ahesuṃ .

Atha kho āyasmā ānando bhagavantaṃ etadavoca –

‘‘ acchariyaṃ , bhante , abbhutaṃ , bhante , evaṃ pasanno ahaṃ , bhante , imasmiṃ bhikkhusaṅghe ,‘ natthi ekabhikkhussāpi kaṅkhā vā vimati vā buddhe vā dhamme vā saṅghe vā magge vā paṭipadāya vā ’’’ ti .

‘‘ Pasādā kho tvaṃ , ānanda , vadesi , ñāṇameva hettha , ānanda , tathāgatassa .

Natthi imasmiṃ bhikkhusaṅghe ekabhikkhussāpi kaṅkhā vā vimati vā buddhe vā dhamme vā saṅghe vā magge vā paṭipadāya vā .

Imesañhi , ānanda , pañcannaṃ bhikkhusatānaṃ yo pacchimako bhikkhu , so sotāpanno avinipātadhammo niyato sambodhiparāyaṇo ’’ ti .

218. AthaT2.180M2.128 kho bhagavā bhikkhū āmantesi –

‘‘ handaP2.156 dāni , bhikkhave , āmantayāmi vo , vayadhammā saṅkhārā appamādena sampādethā ’’ ti .

Ayaṃ tathāgatassa pacchimā vācā .

Issues

Select Version

Mahāvaggapāḷi

Mahāvaggapāḷi