Itthiratanaṃ
249.‘‘ Puna caparaṃ , ānanda , rañño mahāsudassanassa itthiratanaṃ pāturahosi abhirūpā dassanīyā pāsādikā paramāya vaṇṇapokkharatāya samannāgatā nātidīghā nātirassā nātikisā nātithūlā nātikāḷikā nāccodātā atikkantā mānusivaṇṇaṃ [ mānussivaṇṇaṃ ( syā .)] appattā dibbavaṇṇaṃ .
Tassa kho panānanda , itthiratanassa evarūpo kāyasamphasso
T2.203 hoti , seyyathāpiM2.144 nāma tūlapicuno vā kappāsapicuno vā .Tassa kho panānanda , itthiratanassa sīte uṇhāni gattāni honti , uṇhe sītāni .
Tassa kho panānanda , itthiratanassa kāyato candanagandho vāyati , mukhato uppalagandho .
Taṃ kho panānanda , itthiratanaṃ rañño mahāsudassanassa pubbuṭṭhāyinī ahosi pacchānipātinī
P2.176 kiṅkārapaṭissāvinī manāpacārinī piyavādinī .Taṃ kho panānanda , itthiratanaṃ rājānaṃ mahāsudassanaṃ manasāpi no aticari [ aticarī ( ka .), aticārī ( sī . syā . pī .)], kuto pana kāyena .
Rañño , ānanda , mahāsudassanassa evarūpaṃ itthiratanaṃ pāturahosi .