Brahmunā sākacchā
318.‘‘ Atha
V2.176 kho , bho , brahmā sanaṅkumāro mahāgovindassa brāhmaṇassa cetasā cetoparivitakkamaññāyaP2.240 seyyathāpi nāma balavā puriso samiñjitaṃ vā bāhaṃ pasāreyya , pasāritaṃ vā bāhaṃ samiñjeyya , evameva , brahmaloke antarahito mahāgovindassa brāhmaṇassa sammukhe pāturahosi .Atha kho , bho , mahāgovindassa brāhmaṇassa ahudeva bhayaṃ ahu chambhitattaṃ ahu lomahaṃso yathā taṃ adiṭṭhapubbaṃ rūpaṃ disvā .
Atha kho , bho , mahāgovindo brāhmaṇo bhīto saṃviggo lomahaṭṭhajāto brahmānaṃ sanaṅkumāraṃ gāthāya ajjhabhāsi –
‘‘‘ Vaṇṇavā
T2.274 yasavā sirimā , ko nu tvamasi mārisa ;Ajānantā taṃ pucchāma , kathaṃ jānemu taṃ mayan ’’ ti .
‘‘ Maṃ ve kumāraṃ jānanti , brahmaloke sanantanaṃ [ sanantica ( ka .)];
Sabbe jānanti maṃ devā , evaṃ govinda jānahi ’’.
‘‘‘ Āsanaṃ udakaṃ pajjaṃ , madhusākañca [ madhupākañca ( sī . syā . pī .)] brahmuno ;
Agghe bhavantaṃ pucchāma , agghaṃ kurutu no bhavaṃ ’’.
‘‘ Paṭiggaṇhāma te agghaṃ , yaṃ tvaṃ govinda bhāsasi ;
Diṭṭhadhammahitatthāya , samparāya sukhāya ca ;
Katāvakāso pucchassu , yaṃ kiñci abhipatthitan ’’ ti .
319.‘‘ Atha kho , bho , mahāgovindassa brāhmaṇassa etadahosi –
‘‘ katāvakāso khomhi brahmunā sanaṅkumārena .
Kiṃ nu kho ahaṃ brahmānaṃ sanaṅkumāraṃ
M2.194 puccheyyaṃ diṭṭhadhammikaṃ vā atthaṃ samparāyikaṃ vā ’ ti ?Atha
P2.241 kho , bho , mahāgovindassa brāhmaṇassa etadahosi –‘ kusalo kho ahaṃ diṭṭhadhammikānaṃ atthānaṃ , aññepi maṃ diṭṭhadhammikaṃ atthaṃ pucchanti .
Yaṃnūnāhaṃ brahmānaṃ sanaṅkumāraṃ samparāyikaññeva atthaṃ puccheyyan ’ ti .
Atha kho , bho , mahāgovindo brāhmaṇo brahmānaṃ sanaṅkumāraṃ gāthāya ajjhabhāsi –
‘‘ Pucchāmi
V2.177 brahmānaṃ sanaṅkumāraṃ ,Kaṅkhī akaṅkhiṃ paravediyesu ;
Katthaṭṭhito kimhi ca sikkhamāno ,
Pappoti
T2.275 macco amataṃ brahmalokan ’’ ti .‘‘ Hitvā mamattaṃ manujesu brahme ,
Ekodibhūto karuṇedhimutto [ karuṇādhimutto ( sī . syā . pī .)];
Nirāmagandho virato methunasmā ,
Etthaṭṭhito ettha ca sikkhamāno ;
Pappoti macco amataṃ brahmalokan ’’ ti .
320.‘‘ Hitvā mamattan ’ ti ahaṃ bhoto ājānāmi .
Idhekacco appaṃ vā bhogakkhandhaṃ pahāya mahantaṃ vā bhogakkhandhaṃ pahāya appaṃ vā ñātiparivaṭṭaṃ pahāya mahantaṃ vā ñātiparivaṭṭaṃ pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati ,‘ iti hitvā mamattan ’ ti ahaṃ bhoto ājānāmi .
‘ Ekodibhūto ’ ti
P2.242 ahaṃ bhoto ājānāmi .Idhekacco vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ , iti ekodibhūto ’ ti ahaṃ bhoto ājānāmi .
‘ Karuṇedhimutto ’ ti ahaṃ bhoto ājānāmi .
Idhekacco karuṇāsahagatena cetasā ekaṃ disaṃ pharitvā viharati , tathā dutiyaṃ , tathā tatiyaṃ , tathā catutthaṃ .
Iti uddhamadhotiriyaṃ sabbadhi sabbattatāya sabbāvantaṃ lokaṃ karuṇāsahagatena cetasā vipulena mahaggatena appamāṇena
T2.276 averena abyāpajjena pharitvā viharati .Iti ‘ karuṇedhimutto ’ ti ahaṃ bhoto ājānāmi .
Āmagandhe ca kho ahaṃ bhoto bhāsamānassa na ājānāmi .
‘‘ Ke
M2.195 āmagandhā manujesu brahme ,Ete avidvā idha brūhi dhīra ;
Kenāvaṭā [ kenāvuṭā ( syā .)] vāti pajā kurutu [ kururū ( syā .), kuruṭṭharū ( pī .), kurūru (?)],
Āpāyikā nivutabrahmalokā ’’ ti .
‘‘ Kodho
P2.243 mosavajjaṃ nikati ca dubbho ,Kadariyatā atimāno usūyā ;
Icchā
V2.178 vivicchā paraheṭhanā ca ,Lobho ca doso ca mado ca moho ;
Etesu yuttā anirāmagandhā ,
Āpāyikā nivutabrahmalokā ’’ ti .
‘‘ Yathā kho ahaṃ bhoto āmagandhe bhāsamānassa ājānāmi .
Te na sunimmadayā agāraṃ ajjhāvasatā .
Pabbajissāmahaṃ , bho , agārasmā anagāriyan ’’ ti .
‘‘ Yassadāni bhavaṃ govindo kālaṃ maññatī ’’ ti .