Uttaramāṇavavatthu
439. Atha
V2.261 kho pāyāsi rājañño dānaṃ paṭṭhapesi samaṇabrāhmaṇakapaṇaddhikavaṇibbakayācakānaṃT2.393 .Tasmiṃ kho pana dāne evarūpaṃ bhojanaṃ dīyati kaṇājakaṃ bilaṅgadutiyaṃ , dhorakāni [ thorakāni ( sī . pī .), corakāni ( syā .)] ca vatthāni guḷavālakāni [ guḷagāḷakāni ( ka .)].
Tasmiṃ kho pana dāne uttaro nāma māṇavo vāvaṭo [ byāvaṭo ( sī . pī .)] ahosi .
So dānaṃ datvā evaṃ anuddisati –
‘‘ imināhaṃ dānena pāyāsiṃ rājaññameva imasmiṃ loke samāgacchiṃ , mā parasmin ’’ ti .
Assosi kho pāyāsi rājañño –
‘‘ uttaro
P2.355 kira māṇavo dānaṃ datvā evaṃ anuddisati –‘ imināhaṃ dānena pāyāsiṃ rājaññameva imasmiṃ loke samāgacchiṃ , mā parasmin ’’’ ti .
Atha
M2.281 kho pāyāsi rājañño uttaraṃ māṇavaṃ āmantāpetvā etadavoca –‘‘ saccaṃ kira tvaṃ , tāta uttara , dānaṃ datvā evaṃ anuddisasi –
‘ imināhaṃ dānena pāyāsiṃ rājaññameva imasmiṃ loke samāgacchiṃ , mā parasmin ’’’ ti ?
‘‘ Evaṃ , bho ’’.
‘‘ Kissa pana tvaṃ , tāta uttara , dānaṃ datvā evaṃ anuddisasi –
‘ imināhaṃ dānena pāyāsiṃ rājaññameva imasmiṃ loke samāgacchiṃ , mā parasmin ’ ti ?
Nanu mayaṃ , tāta uttara , puññatthikā dānasseva phalaṃ pāṭikaṅkhino ’’ ti ?
‘‘ Bhoto kho dāne evarūpaṃ bhojanaṃ dīyati kaṇājakaṃ bilaṅgadutiyaṃ , yaṃ bhavaṃ pādāpi [ pādāsi ( ka .)] na iccheyya samphusituṃ [ chupituṃ ( pī . ka .)], kuto bhuñjituṃ , dhorakāni ca vatthāni guḷavālakāni , yāni bhavaṃ pādāpi [ acittikataṃ ( ka .)] na iccheyya samphusituṃ , kuto paridahituṃ .
Bhavaṃ kho panamhākaṃ piyo manāpo , kathaṃ mayaṃ manāpaṃ amanāpena saṃyojemā ’’ ti ?
‘‘ Tena hi tvaṃ , tāta uttara , yādisāhaṃ bhojanaṃ bhuñjāmi , tādisaṃ bhojanaṃ
T2.394 paṭṭhapehi .Yādisāni cāhaṃ vatthāni paridahāmi , tādisāni ca vatthāni paṭṭhapehī ’’ ti .
‘‘ Evaṃ , bho ’’ ti kho uttaro māṇavo pāyāsissa rājaññassa paṭissutvā yādisaṃ bhojanaṃ pāyāsi rājañño bhuñjati , tādisaṃ bhojanaṃ paṭṭhapesi .
Yādisāni ca vatthāni pāyāsi rājañño paridahati , tādisāni ca vatthāni paṭṭhapesi .
440. Atha
P2.356 kho pāyāsi rājañño asakkaccaṃ dānaṃ datvā asahatthā dānaṃ datvā acittīkataṃ dānaṃ datvā apaviddhaṃ dānaṃ datvā kāyassa bhedā paraṃ maraṇā cātumahārājikānaṃ devānaṃ sahabyataṃ upapajji suññaṃ serīsakaṃ vimānaṃ .Yo pana tassa dāne vāvaṭo ahosi uttaro nāma māṇavo .
So sakkaccaṃ dānaṃ datvā sahatthā dānaṃ datvā cittīkataṃ dānaṃ datvā anapaviddhaṃ dānaṃ datvā kāyassa bhedā paraṃ maraṇā sugatiṃ saggaṃ lokaṃ upapajji devānaṃ tāvatiṃsānaṃ sahabyataṃ .