Mārayācanakathā

Author： _System_Pali_VRI_ @ Administrator

Mārayācanakathā

168. Atha kho māro pāpimā acirapakkante āyasmante ānande yena bhagavā tenupasaṅkami ;

upasaṅkamitvā ekamantaṃ aṭṭhāsi .

Ekamantaṃ ṭhito kho māro pāpimā bhagavantaṃ etadavoca –

‘‘ parinibbātudāni , bhante , bhagavā , parinibbātu sugato , parinibbānakāloT2.122 dāni , bhante , bhagavato .

Bhāsitā kho panesā , bhante , bhagavatā vācā –

‘ na tāvāhaṃ , pāpima , parinibbāyissāmi , yāva me bhikkhū na sāvakā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino , sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānī [ uttāniṃ ( ka .), uttāni ( sī . pī .)] karissanti , uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessantī ’ tiM2.88 .

Etarahi kho pana , bhante , bhikkhū bhagavato sāvakā viyattā vinītā visāradā bahussutā dhammadharā dhammānudhammappaṭipannāP2.105 sāmīcippaṭipannā anudhammacārino , sakaṃ ācariyakaṃ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti , uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desenti .

Parinibbātudāni , bhante , bhagavā , parinibbātu sugato , parinibbānakālodāni , bhante , bhagavato .

‘‘ Bhāsitā kho panesā , bhante , bhagavatā vācā –

‘ na tāvāhaṃ , pāpima , parinibbāyissāmi , yāva me bhikkhuniyo na sāvikā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo , sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti , uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessantī ’ tiT2.123 .

Etarahi kho pana , bhante , bhikkhuniyo bhagavato sāvikā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyoV2.81 , sakaṃ ācariyakaṃ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti , uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desenti .

Parinibbātudāni , bhante , bhagavā , parinibbātu sugato , parinibbānakālodāni , bhante , bhagavato .

‘‘ Bhāsitā kho panesā , bhante , bhagavatā vācā –

‘ na tāvāhaṃ , pāpima , parinibbāyissāmi , yāva me upāsakā na sāvakā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino , sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti , uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessantī ’ ti .

Etarahi kho pana , bhante , upāsakā bhagavato sāvakā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino , sakaṃ ācariyakaṃ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti , uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desenti .

ParinibbātudāniM2.89 , bhante , bhagavā , parinibbātu sugato , parinibbānakālodāniT2.124 , bhante , bhagavato .

‘‘ Bhāsitā kho panesā , bhante , bhagavatā vācā –

‘ na tāvāhaṃ , pāpima parinibbāyissāmi , yāva me upāsikā na sāvikā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo , sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti , uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessantī ’ ti .

Etarahi kho pana , bhante , upāsikā bhagavato sāvikā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo , sakaṃ ācariyakaṃP2.106 uggahetvā ācikkhanti desenti paññapenti paṭṭhapenti vivaranti vibhajanti uttānīkaronti , uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desenti .

Parinibbātudāni , bhante , bhagavā , parinibbātu sugato , parinibbānakālodāni , bhante , bhagavato .

‘‘ Bhāsitā kho panesā , bhante , bhagavatā vācā –

‘ na tāvāhaṃ , pāpima , parinibbāyissāmiV2.82 , yāva me idaṃ brahmacariyaṃ na iddhaṃ ceva bhavissati phītañca vitthārikaṃ bāhujaññaṃ puthubhūtaṃ yāva devamanussehi suppakāsitan ’ ti .

Etarahi kho pana , bhante , bhagavato brahmacariyaṃ iddhaṃ ceva phītañca vitthārikaṃ bāhujaññaṃ puthubhūtaṃ , yāva devamanussehi suppakāsitaṃ .

Parinibbātudāni , bhante , bhagavā , parinibbātu sugato , parinibbānakālodāni , bhante , bhagavato ’’ tiT2.125 .

Evaṃ vutte bhagavā māraṃ pāpimantaṃ etadavoca –

‘‘ appossukko tvaṃ , pāpima , hohi , na ciraṃ tathāgatassa parinibbānaṃ bhavissati .

Ito tiṇṇaṃ māsānaṃ accayena tathāgato parinibbāyissatī ’’ ti .

Issues

Select Version

Mahāvaggapāḷi

Mahāvaggapāḷi