Rajjasaṃvibhajanaṃ

Author： _System_Pali_VRI_ @ Administrator

Rajjasaṃvibhajanaṃ

306.‘‘ Atha kho , bho , mahāgovindo brāhmaṇo yena te cha khattiyā tenupasaṅkami ;

upasaṅkamitvā te cha khattiye etadavoca –

‘‘ disampati kho , bho , rājā jiṇṇo vuddho mahallako addhagatoP2.233 vayoanuppatto , ko nu kho pana , bho , jānāti jīvitaṃ ?

Ṭhānaṃ kho panetaṃ vijjati , yaṃ disampatimhi raññe kālaṅkate rājakattāro reṇuṃ rājaputtaṃ rajje abhisiñceyyuṃ .

Āyantu , bhonto , yena reṇu rājaputto tenupasaṅkamatha ;

upasaṅkamitvā reṇuṃ rājaputtaṃ evaṃ vadetha –

‘‘ mayaṃ kho bhoto reṇussa sahāyā piyā manāpā appaṭikūlā , yaṃsukho bhavaṃM2.188 taṃsukhā mayaṃ , yaṃdukkho bhavaṃ taṃdukkhā mayaṃ .

Disampati kho , bho , rājā jiṇṇo vuddho mahallako addhagato vayoanuppatto , ko nu kho pana , bho , jānāti jīvitaṃ ?

Ṭhānaṃ kho panetaṃ vijjati , yaṃ disampatimhi raññe kālaṅkate rājakattāro bhavantaṃ reṇuṃ rajje abhisiñceyyuṃ .

Sace bhavaṃ reṇu rajjaṃ labhetha , saṃvibhajetha no rajjenā ’’ ti .

‘‘ Evaṃ bho ’’ ti kho , bho , te cha khattiyā mahāgovindassa brāhmaṇassa paṭissutvā yena reṇu rājaputto tenupasaṅkamiṃsu ;

upasaṅkamitvā reṇuṃ rājaputtaṃ etadavocuṃ –

‘‘ mayaṃ kho bhoto reṇussa sahāyā piyā manāpā appaṭikūlāT2.266 ;

yaṃsukho bhavaṃ taṃsukhā mayaṃ , yaṃdukkho bhavaṃ taṃdukkhā mayaṃ .

Disampati kho , bho , rājā jiṇṇo vuddho mahallako addhagato vayoanuppatto , ko nu kho pana bho jānāti jīvitaṃ ?

Ṭhānaṃ kho panetaṃ vijjati , yaṃ disampatimhi raññe kālaṅkate rājakattāro bhavantaṃ reṇuṃ rajje abhisiñceyyuṃ .

Sace bhavaṃ reṇu rajjaṃ labhetha , saṃvibhajetha no rajjenā ’’ ti .

‘‘ Ko nu kho , bho , añño mama vijite sukho bhavetha [ sukhā bhaveyyātha ( ka .), sukhaṃ bhaveyyātha , sukhamedheyyātha ( sī . pī .), sukha medhetha (?)], aññatra bhavantebhi ?

Sacāhaṃ , bho , rajjaṃ labhissāmi , saṃvibhajissāmi vo rajjenā ’’’ ti .

307.‘‘ AthaP2.234 kho , bho , ahorattānaṃ accayena rājā disampati kālamakāsi .

Disampatimhi raññe kālaṅkate rājakattāro reṇuṃ rājaputtaṃ rajje abhisiñciṃsu .

Abhisitto reṇu rajjenaT2.267 pañcahi kāmaguṇehi samappito samaṅgībhūto paricāreti .

Atha kho , bho , mahāgovindo brāhmaṇo yena te cha khattiyā tenupasaṅkami ;

upasaṅkamitvā te cha khattiye etadavocaV2.172 –

‘‘ disampati kho , bho , rājā kālaṅkato .

Abhisitto reṇu rajjena pañcahi kāmaguṇehi samappito samaṅgībhūto paricāreti .

Ko nu kho pana , bho , jānāti , madanīyā kāmā ?

Āyantu , bhonto , yena reṇu rājā tenupasaṅkamatha ;

upasaṅkamitvā reṇuṃ rājānaṃ evaṃ vadetha – disampati kho , bho , rājā kālaṅkato , abhisitto bhavaṃ reṇu rajjena , sarati bhavaṃ taṃ vacanan ’’’ ti ?

308.‘‘‘ EvaṃM2.189 , bho ’’ ti kho , bho , te cha khattiyā mahāgovindassa brāhmaṇassa paṭissutvā yena reṇu rājā tenupasaṅkamiṃsu ;

upasaṅkamitvā reṇuṃ rājānaṃ etadavocuṃ –

‘‘ disampati kho , bho , rājā kālaṅkato , abhisitto bhavaṃ reṇu rajjena , sarati bhavaṃ taṃ vacanan ’’ ti ?

‘‘ Sarāmahaṃ , bho , taṃ vacanaṃ [ vacananti ( syā . ka .)].

Ko nu kho , bho , pahoti imaṃ mahāpathaviṃ uttarena āyataṃ dakkhiṇena sakaṭamukhaṃ sattadhā samaṃ suvibhattaṃ vibhajitun ’’ ti ?

‘‘ Ko nu kho , bho , añño pahoti , aññatra mahāgovindena brāhmaṇenā ’’ ti ?

Atha kho , bho , reṇu rājā aññataraṃ purisaṃ āmantesi –

‘‘ ehi tvaṃ , ambho purisa , yena mahāgovindo brāhmaṇo tenupasaṅkama ;

upasaṅkamitvā mahāgovindaṃ brāhmaṇaṃ evaṃ vadehi –

‘ rājā taṃ , bhante , reṇu āmantetī ’’’ ti .

‘‘ EvaṃP2.235 devā ’’ ti kho , bho , so puriso reṇussa rañño paṭissutvāT2.268 yena mahāgovindo brāhmaṇo tenupasaṅkami ;

upasaṅkamitvā mahāgovindaṃ brāhmaṇaṃ etadavoca –

‘‘ rājā taṃ , bhante , reṇu āmantetī ’’ ti .

‘‘ Evaṃ , bho ’’ ti kho , bho , mahāgovindo brāhmaṇo tassa purisassa paṭissutvā yena reṇu rājā tenupasaṅkami ;

upasaṅkamitvā reṇunā raññā saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ nisīdi .

Ekamantaṃ nisinnaṃ kho , bho , mahāgovindaṃ brāhmaṇaṃ reṇu rājā etadavoca –

‘‘ etu , bhavaṃ govindo , imaṃ mahāpathaviṃ uttarena āyataṃ dakkhiṇena sakaṭamukhaṃ sattadhā samaṃ suvibhattaṃ vibhajatū ’’ ti .

‘‘ Evaṃ , bho ’’ ti kho mahāgovindo brāhmaṇo reṇussa rañño paṭissutvā imaṃ mahāpathaviṃ uttarena āyataṃ dakkhiṇena sakaṭamukhaṃ sattadhā samaṃ suvibhattaṃ vibhaji .

Sabbāni sakaṭamukhāni paṭṭhapesi [ aṭṭhapesi ( sī . pī .)].

Tatra sudaṃ majjhe reṇussa rañño janapado hoti .

309. Dantapuraṃ kaliṅgānaṃ [ kāliṅgānaṃ ( syā . pī . ka .)], assakānañca potanaṃ .

Mahesayaṃ [ māhissati ( sī . syā . pī .)] avantīnaṃ , sovīrānañca rorukaṃ .

Mithilā ca videhānaṃ , campā aṅgesu māpitā ;

Bārāṇasī ca kāsīnaṃ , ete govindamāpitāti .

310.‘‘ AthaM2.190V2.173P2.236 kho , bho , te cha khattiyā yathāsakena lābhena attamanā ahesuṃ paripuṇṇasaṅkappā –

‘‘ yaṃ vata no ahosi icchitaṃ , yaṃ ākaṅkhitaṃ , yaṃ adhippetaṃ , yaṃ abhipatthitaṃ , taṃ no laddhan ’’ ti .

‘‘ SattabhūT2.269 brahmadatto ca , vessabhū bharato saha ;

Reṇu dve dhataraṭṭhā ca , tadāsuṃ satta bhāradhā ’ ti .

Paṭhamabhāṇavāro niṭṭhito .

Issues

Mahāvaggapāḷi

Mahāvaggapāḷi