Kāyānupassanā dhātumanasikārapabbaṃ
378.‘‘ Puna caparaṃ , bhikkhave , bhikkhu imameva kāyaṃ yathāṭhitaṃ yathāpaṇihitaṃ dhātuso paccavekkhati –
‘ atthi imasmiṃ kāye pathavīdhātu āpodhātu tejodhātu vāyodhātū ’ ti .
‘‘ Seyyathāpi
V2.218 , bhikkhave , dakkho goghātako vā goghātakantevāsī vā gāviṃ vadhitvā catumahāpathe bilasoT2.330 vibhajitvā nisinno assa , evameva kho , bhikkhave , bhikkhu imameva kāyaṃ yathāṭhitaṃ yathāpaṇihitaṃ dhātuso paccavekkhati –‘ atthi imasmiṃ kāye pathavīdhātu āpodhātu tejodhātu vāyodhātū ’ ti .
‘‘ Iti ajjhattaṃ vā kāye kāyānupassī viharati … pe …
P2.295 evampi kho , bhikkhave , bhikkhu kāye kāyānupassī viharati .Dhātumanasikārapabbaṃ niṭṭhitaṃ .