Kāyānupassanā navasivathikapabbaṃ

Author： _System_Pali_VRI_ @ Administrator

Kāyānupassanā navasivathikapabbaṃ

379.‘‘ PunaM2.235 caparaṃ , bhikkhave , bhikkhu seyyathāpi passeyya sarīraṃ sivathikāya chaḍḍitaṃ ekāhamataṃ vā dvīhamataṃ vā tīhamataṃ vā uddhumātakaṃ vinīlakaṃ vipubbakajātaṃ .

So imameva kāyaṃ upasaṃharati –

‘ ayampi kho kāyo evaṃdhammo evaṃbhāvī evaṃanatīto ’ ti .

‘‘ Iti ajjhattaṃ vāT2.331 … pe … evampi kho , bhikkhave , bhikkhu kāye kāyānupassī viharati .

‘‘ Puna caparaṃ , bhikkhave , bhikkhu seyyathāpi passeyya sarīraṃ sivathikāya chaḍḍitaṃ kākehi vāV2.219 khajjamānaṃ kulalehi vā khajjamānaṃ gijjhehi vā khajjamānaṃ kaṅkehi vā khajjamānaṃ sunakhehi vā khajjamānaṃ byagghehi vā khajjamānaṃ dīpīhi vā khajjamānaṃ siṅgālehi vā [ gijjhehi vā khajjamānaṃ , suvānehi vā khajjamānaṃ , sigālehi vā khajjamānaṃ ,( syā . pī .)] khajjamānaṃ vividhehi vā pāṇakajātehi khajjamānaṃ .

So imameva kāyaṃ upasaṃharati –

‘ ayampi kho kāyo evaṃdhammo evaṃbhāvī evaṃanatīto ’ ti .

‘‘ ItiP2.296 ajjhattaṃ vā … pe … evampi kho , bhikkhave , bhikkhu kāye kāyānupassī viharati .

‘‘ Puna caparaṃ , bhikkhave , bhikkhu seyyathāpi passeyya sarīraṃ sivathikāya chaḍḍitaṃ aṭṭhikasaṅkhalikaṃ samaṃsalohitaṃ nhārusambandhaṃ … pe … aṭṭhikasaṅkhalikaṃ nimaṃsalohitamakkhitaṃ nhārusambandhaṃ … pe … aṭṭhikasaṅkhalikaṃ apagatamaṃsalohitaṃ nhārusambandhaṃ … pe … aṭṭhikāni apagatasambandhāni [ apagatanhārusambandhāni ( syā .)] disā vidisā vikkhittāni , aññena hatthaṭṭhikaṃ aññena pādaṭṭhikaṃ aññena gopphakaṭṭhikaṃ [‘‘ aññena gopphakaṭṭhikan ’’ ti idaṃ sī . syā . pī . potthakesu natthi ] aññena jaṅghaṭṭhikaṃ aññena ūruṭṭhikaṃ aññena kaṭiṭṭhikaṃ [ aññena kaṭaṭṭhikaṃ aññena piṭṭhaṭṭhikaṃ aññena kaṇḍakaṭṭhikaṃ aññena phāsukaṭṭhikaṃ aññena uraṭṭhikaṃ aññena aṃsaṭṭhikaṃ aññena bāhuṭṭhikaṃ ( syā .)] aññena phāsukaṭṭhikaṃ aññenaP2.297 piṭṭhiṭṭhikaṃ aññena khandhaṭṭhikaṃ [ aññena kaṭaṭṭhikaṃ aññena piṭṭhaṭṭhikaṃ aññena kaṇḍakaṭṭhikaṃ aññena phāsukaṭṭhikaṃ aññena uraṭṭhikaṃ aññena aṃsaṭṭhikaṃ aññena bāhuṭṭhikaṃ ( syā .)] aññena gīvaṭṭhikaṃ aññena hanukaṭṭhikaṃ aññena dantaṭṭhikaṃ aññena sīsakaṭāhaṃ .

So imameva kāyaṃ upasaṃharati –

‘ ayampi kho kāyo evaṃdhammo evaṃbhāvī evaṃanatīto ’ ti .

‘‘ Iti ajjhattaṃ vāT2.332 … pe … viharati .

‘‘ PunaM2.236 caparaṃ , bhikkhave , bhikkhu seyyathāpi passeyya sarīraṃ sivathikāya chaḍḍitaṃ aṭṭhikāni setāni saṅkhavaṇṇapaṭibhāgāni … pe … aṭṭhikāni puñjakitāni terovassikāniV2.220 … pe … aṭṭhikāni pūtīni cuṇṇakajātāni .

So imameva kāyaṃ upasaṃharati –

‘ ayampi kho kāyo evaṃdhammo evaṃbhāvī evaṃanatīto ’ ti .

Iti ajjhattaṃ vā kāye kāyānupassī viharati , bahiddhā vā kāye kāyānupassī viharati , ajjhattabahiddhā vā kāye kāyānupassīP2.298 viharati .

Samudayadhammānupassī vā kāyasmiṃ viharati , vayadhammānupassī vā kāyasmiṃ viharati , samudayavayadhammānupassī vā kāyasmiṃ viharati .

‘ Atthi kāyo ’ ti vā panassa sati paccupaṭṭhitā hoti yāvadeva ñāṇamattāya paṭissatimattāya anissito ca viharati , na ca kiñci loke upādiyati .

Evampi kho , bhikkhave , bhikkhu kāye kāyānupassī viharati .

Navasivathikapabbaṃ niṭṭhitaṃ .

Cuddasa kāyānupassanā niṭṭhitā .

Issues

Select Version

Mahāvaggapāḷi

Mahāvaggapāḷi