Issues
Select Version
sāsanāre-သာသနာရေး
မြန်မာဘာသာ
Bhikkhu Bodhi
English
Dasakanipātapāḷi
Dasakanipātapāḷi

6. Kokanudasuttaṃ

Author: sāsanāre-သာသနာရေး @ IAPT

ဧကံ၊ တပါးသော။ သမယံ၊ အခါ၌။ အာယသ္မာ အာနန္ဒေါ၊ သည်။ ရာဇဂဟေ၊ ရာဇဂြိုဟ်မြို့အနီး၌။ တပေါဒါရာမေ၊ တပေါဒကျောင်းတိုက်၌။ (ရှေးရှုတူရှုအရပ်၌ ရေပူအိုင်ရှိသည်အဖြစ်ကြောင့် တပေါဒ မည်သော ကျောင်းတိုက်၌။) ဝိဟရတိ၊ သီတင်းသုံနေတော်မူ၏။
အထခေါ၊ ထိုအခါ၌။ အာယသ္မာ အာနန္ဒေါ၊ သည်။ ရတ္တိယာ၊ ညဉ့်၏။ ပစ္စူသသမယံ၊ မိုးသောက်ထအချိန်၌။ ပစ္စုဋ္ဌာယ၊ စောစောထ၍။ ယေန၊ အကြင်အရပ်၌။ တပေါဒေါ၊ ရေပူအိုင်သည်။တပေါဒ, တပေါဒါရာမ ။ ။တပံ ဥဒကံ ယဿာတိ တပေါဒကော- ပူသော ရေရှိသော အိုင်၊ ရေပူအိုင်၊ တပေါဒကဟု ဆိုလိုလျက် ကအက္ခရာကို ချေ၍ တပေါဒရုပ်ပြီးသည်ဟု ဝိပတိဋီကာ၊ စတုတ္ထပါရာဇိက ဝိနီတဝတ္ထုအဖွင့် (၂၄၉) ၌ မိန့်၏။ သို့သော် "အမက္ခိတော ဥဒေန" စသည်ဖြင့် သုတ်မဟာဝါ၊ မဟာပဒါနသုတ် (၁၂) ၌ ဥဒကနှင့် အနက်တူ ဥဒပုဒ်လည်းရှိသည် ပင်ဟု ဆရာအရှင်မြတ်တို့မိန့်တော်မူကြ၏။
ဤ၌ "တပေါဒါ" ဟု အာကာရန္တ ဣတ္ထိလိင်ရုပ်ရှိနေ၏၊ ဥပရိပဏ္ဏာသ မဟာသစ္စာနဘဒ္ဒေကာရတ္တသုတ် (၂၃၁) ၌မူ " ယေန တပေါဒေါ။ပ။ တပေါဒေဂတ္တာနိ ပရိသိဉ္ဇိတုံ" ဟု ပုလ္လိုင်ရုပ်ရှိ၏၊ နဒီ၏ ဝိသေသနဖြစ်ရာ၌ ဣတ္ထိလိင်ရုပ်ရှိရမည် ဖြစ်သော်လည်း ဤ၌ ရဟဒ (ရေအိုင်) ၏ ဝိသေသန ဖြစ်သောကြောင့် ပုလ္လိင် ရုပ်ရှိသင့်သည်ဟု ယူဆပါသည်။
တပေါဒါရာမဟူ၍ ကျောင်တိုက်၌ တပေါဒခေါ်ဝေါ်ရာ၌ကား သမီပျူပစာရကြံသင့်၏၊ တနည်းအားဖြင့် တပေါဒေါ ယဿအတ္ထီတိ တပေါဒေါ- ရှေ့ရှုတူရူအနီးအရပ်၌ ရေပူအိုင်ရှိသော (ကျောင်းတိုက်) ဟု ဝစနတ္ထပြုသင့်၏၊ ထို့နောက် "တပေါဒေါ စ သော အာရာမော စာတိ တပေါဒါရာမော" ဟုပြု။ တပေါဒါရာမေတိ တတ္တောဒကဿ ရဟဒဿဝသေန ဧဝံ လဒ္ဓနာမေ အာရာမေ။ ပ။ ဣမဿ ပန အာရမဿ အဘိသမ္မုခဋ္ဌာနေ တတော မဟာဥဒကရဟဒေါ ဇာတော၊ တဿနာမဝသေနာယံ တပေါဒါရာမောတိ ဝုစ္စတိ။ ဥပရိပဏ္ဏာသအဋ္ဌကထာ၊ မဟာကစ္စာနဘဒ္ဒေကာရတ္တသုတ်အဖွင့် ၁၇၂၊ ၁၇၃။
တေန၊ ထိုအရပ်၌။ ဝါ၊ သို့။ ဂတ္တာနိ၊ ကိုယ်တို့ကို။ ပရိသိဉ္စိတုံ၊ ရေသွန်းလောင်းခြင်းငှာ။ ဥပသင်္ကမိ၊ ကြွသွားတော်မူပြီ။
တပေါဒေ၊ ရေပူအိုင်၌။ ဂတ္တာနိ၊ ကိုယ်တို့ကို။ ပရိသိဉ္စိတွာ၊ ရေသွန်လောင်းပြီး၍။ ပစ္စုတ္တရိတွာ၊ ရေမှ ပြန်တက်ပြီး၍။ ဧကစီဝရော၊ တထည်တည်းသော ခါးဝတ်သင်္ကန်းရှိသည်။ (ဟုတွာ၊ ဖြစ်၍။) ဂတ္တာနိ၊ ကိုယ်အင်္ဂါတို့ကို။ ပုဗ္ဗာပယမာနော၊ ရေမချိုးမီ ရှေးကကဲ့သို့ ရေခြောက်အောင် ပြုလုပ်လျက်။ အဋ္ဌာသိ၊ ရပ်နေတော်မူပြီ။ [ပုဗ္ဗာပယမာနောတိ ပုဗ္ဗသဒိသာနိ နိရုဒကာနိ ကုရုမာနော (ဤသုတ် အဋ္ဌကထာ)။ ဆက္ကနိပါတ်စာပိုဒ် (၄၃) နာဂသုတ်လည်းကြည့်။]
ကောကနုဒေါ၊ ကောနုဒမည်သော။ ပရိဗ္ဗာဇကောပိ၊ ပရိဗိုဇ်သည်လည်း။ ။ပ။ ပရိသိဉ္ဇိတုံ၊ ငှာ။ ဥပသင်္ကမိ၊ သွားပြီ။
ပရိဗ္ဗာဇကော၊ သည်။ အာယသ္မန္တံ အာနန္ဒံ၊ အရှင်အာနန္ဒာကို။ ဒူရတောဝ၊ အဝေး၌ပင်လျှင်။ အာဂစ္ဆန္တံ၊ လာနေသည်ကို။ အဒ္ဒသာ ခေါ၊ မြင်ရသည်သာ။
ဒိသွာန၊ မြင်ပြီး၍။ အာယသ္မန္တံ အာနန္ဒံ၊ ကို။
အာဝုသော၊ ငါ့ရှင်။ ဧတ္ထ၊ ဤအရပ်၌။ ကော၊ အဘယ်သူပါနည်း။ ဣတိ၊ ဤသို့သော။ ဧတံ၊ ဤအမေးကို။ အဝေါစ၊ မေးမြန်းပြီ။
အာဝုသော၊ ငါ့ရှင်။ အဟံ၊ ငါပါတည်း။ ဘိက္ခု၊ ရဟန်းပါတည်း။ ဣတိ၊ ဤသို့။ (အဝေါစ၊ ဖြေကြားပြီ။)
အာဝုသော၊ ငါ့ရှင်။ ကတမေသံ၊ အဘယ်မည်ကုန်သော။ ဘိက္ခူနံ၊ ရဟန်းတို့၏။ ဝါ၊ ရဟန်းတို့တွင်။ ဝါ၊ ရဟန်းတို့ထဲက။ ဘိက္ခု၊ ရဟန်းပါနည်း။ ဣတိ၊ ဤသို့။ (အဝေါစ၊ မေးမြန်းပြီ။)
အာဝုသော၊ ငါ့ရှင်။ သကျပုတ္တိယာနံ၊ သာကီဝင်မင်းသား မြတ်စွာဘုရား၏ သားတော်ဖြစ်ကုန်သော။ သမဏာနံ၊ ရဟန်းတို့၏။ ဝါ၊ ရဟန်းတို့ထဲက။ ဘိက္ခု၊ ရဟန်းပါတည်း။ ဣတိ၊ သို့။ (အဝေါစ၊ ဖြေကြားပြီ။)
အာယသ္မာ၊ အရှင်သည်။ ပဉှဿ၊ အမေးပုစ္ဆာပြဿနာကို။ ဝေယျာကရဏာယ၊ ဖြေဆိုခြင်းငှာ။ ဩကာသံ၊ အခွင့်ကို။ သစေ ကရောတိ၊ အကယ်၍ ပြုငြားအံ့။ (ဧဝံ သတိ၊ ဤသို့ ပြုသည်ဖြစ်လသော်။) မယံ၊ အကျွန်ုပ်တို့သည်။ အာယသ္မန္တံ၊ အရှင်ကို။ ကိဉ္စိဒေဝ၊ တစုံတခုသာလျှင် ဖြစ်သော။ ဒေသံ၊ အကြောင်းအရာကို။ ပုစ္ဆေယျာမ၊ မေးမြန်းလိုပါကုန်၏။ ဣတိ(အဝေါစ၊ ပြောပြီ။) [ကိဉ္စိဒေဝ ဒေသန္တိ ကိဉ္စိဒေဝ ကာရဏံ၊ သံယုတ်အဋ္ဌကထာ၊ ဒု - ၃၃ ၊ (နိဒါနဝဂ္ဂ၊ အစေလကဿပသုတ်အဖွင့်)။]
အာဝုသော၊ ရှင်။ ပုစ္ဆ၊ မေးပါလော့။ သုတွာ၊ မေးခွန်းကို ကြားရပြီး၍။ ဝါ၊ ကြာားရလျှင်။ ဝေဒိဿာမ၊ သိရကုန်အံ့။ (ဖြေနိုင် မဖြေနိုင်ကို သိရကုန်အံ့။) ဣတိ (အဝေါစ)၊ ။
ဘော၊ အိုအရှင်။ ဘဝံ၊ အရှင်သည်။ လောကော၊ သည်။ သဿတော၊ မြဲ၏။ ဣဒမေဝ၊ လျှင်။ သစ္စံ၊ ၏။ အညံ၊ သည်။ မောဃံ၊ တည်း။ ဣတိ ဧဝံ ဒိဋ္ဌိ၊ ဤသို့သော အယူရှိသည်။ ဟောတိ ကိံနုခေါ၊ ဖြစ်ပါသလော။ ဣတိ၊ ဤသို့။ (အဝေါစ၊ မေးမြန်းပြီ။)
အာဝုသော၊ ရှင်။ အဟံ၊ ငါသည်။ လောကော၊ သည်။ သဿတော၊ ၏။ ဣဒမေဝ၊ လျှင်။ သစ္စံ၊ ၏။ အညံသည်။ မောဃံ၊ တည်း။ ဣတိ ဧဝံဒိဋ္ဌိ၊ ဤသို့သော အယူရှိသည်။ န ဟောမိ၊ မဖြစ်ပါ။ ဣတိ၊ သို့။ (အဝေါစ၊ ပြန်ပြောပြီ။)
ဘော၊ အိုအရှင်။ ပန၊ သို့ဖြစ်လျှင်။ ဘဝံ၊ သည်။ လောကော၊ သည်။ အသဿတော၊ မမြဲ။ ဣဒမေဝ၊ လျှင်။ ။ပ။ မောဃံ၊ တည်း။ ဣတိ ဧဝံဒိဋ္ဌိ၊ သည်။ ဟောတိကိံ၊ ဖြစ်ပါသလော။ ဣတိ(အဝေါစ၊ မေးပြီ။)
အာဝုသော၊ ရှင်။ အဟံ၊ ငါသည်။ လောကော၊ သည်။ အသဿတော၊ မမြဲ။ ။ပ။ မောဃံ၊ တည်း။ ဣတိ ဧဝံဒိဋ္ဌိ၊ သည်။ နဟောမိ၊ မဖြစ်ပါ။ ဣတိ (အဝေါစ၊ ပြန်ပြောပြီ။)
ဘော၊ ရှင်။ ဘဝံ၊ သည်။ လောကော၊ သည်။ အန္တဝါ၊ ၏။ ဣဒမေဝ၊ လျှင်။ သစ္စံ၊ ၏။ အညံ၊ သည်။ မောဃံ၊ တည်း။ ဣတိ ဧဝံဒိဋ္ဌိ၊ သည်။ ဟောတိ တိံ နုခေါ၊ လော။ ဣတိ (အဝေါစ) အာဝုသော၊ ရှင်။ အဟံ၊ သည်။ လောကော၊ သည်။ အန္တဝါ၊ ၏။ ဣဒမေဝ၊ လျှင်။ သစ္စံ၊ ၏။ အညံ၊ သည်။ မောဃံ၊ တည်း။ ဣတ ဧဝံဒိဋ္ဌိ၊ သည်။ န ဟောမိ၊ ပါ။ ဣတိ (အဝေါစ)၊ ဘော၊ ရှင်။ ပန၊ သို့ဖြစ်လျှင်. ဘဝံ၊ သည်။ လောကော၊ သည်။ အနန္တဝါ၊ အဆုံးအပိုင်းအခြားမရှိ။ ဣဒမေဝ ။ပ။၊ မောဃံတည်း၊ ဣတိ ဧဝံဒိဋ္ဌိ၊ သည်။ ဟောတိ ကိံ၊ သော။ ဣတိ (အဝေါစ)၊ အာဝုသော၊ ရှင်။ အဟံ၊ သည်။ လောကော၊ သည်။ အနန္တဝါ၊ အဆုံးအပိုင်းအခြားမရှိ။ ဣဒမေဝ ။ပ။၊ မောဃံ၊ တည်း။ ဣတိ ဧဝံဒိဋ္ဌိ၊ သည်။ န ဟောမိ၊ ပါ။ ဣတိ (အဝေါစ)၊ [ဤသို့ စသည်ဖြစ်ဖော်ဆိုလေ။] ။ပ။၊
တေနဟိ၊ ထိုသို့ ဖြစ်လျှင်။ ဘဝံ၊ အရှင်သည်။ န ဇာနာတိ၊ မသိသလော။ န ပဿတိ၊ မမြင်သဘော။ ဣတိ၊ သို့။ (အဝေါစ၊ မေးပြီ။)
အာဝုသော၊ ရှင်။ အဟံ၊ သည်။ န ခေါ န ဇာနာမိ၊ မသိသည်မဟုတ်။ န ခေါ န ပဿာမိ၊ မမြင်သည်မဟုတ်။
အာဝုသော၊ ရှင်။ အဟံ၊ သည်။ ဇာနာမိ၊ သိ၏။ ပဿာမိ၊ မြင်၏။ ဣတိ (အဝေါစ)၊
"ကိံ နုခေါ ဘော သဿ တော ။ပ။ ဘဝန္တိ၊ ကိံ နုခေါ ဘော သဿတော။ ပ။ ဘဝံ" ဟူ၍။ ဣိတိ၊ ဤသို့။ (မယာ၊ အကျွန်ုပ်က)။ ပုဋ္ဌော၊ သည်။ သမာနော၊ ဖြစ်လသော်။
"န ခေါ အဟံ ။ပ။ မောဃမညန္တဆိ၊ န ခေါ အဟံ ။ပ။ မောဃမညံ" ဟူ၍။ (တွံ၊ သင်သည်။) ဝဒေသိ၊ ပြောဆို၏။
"ကိံ ပန ဘော အသဿတော ။ပ။ ဘဝန္တိ၊ ကိံ ပန ဘော အသဿတော ။ပ။ ဘဝံ" ဟူ၍။ ဣတိ၊ ဤသို့။ (မယာ) ပုဋ္ဌော၊ သည်။ သမာနော၊ သော်။
"န ခေါ အဟံ ။ပ။ မောဃမညန္တိ၊ န ခေါ အဟံ ။ပ။ မောဃမညံ" ဟူ၍။ (တွံ၊ သည်။) ဝဒေသိ၊ ၏။
"ကိံ နုခေါ ဘော အန္တဝါ လောကော၊ ဣဒမေဝ သစ္စံ ။ပ။ ဘဝန္တိ၊ ကိံ နုခေါ ဘော အန္ထဝါ လောကော၊ ဣဒမေဝ သစ္စံ ။ပ။ ဘဝံ" ဟူ၍။ ဣတိ၊ သို့။ (မယာ) ပုဋ္ဌော၊ သည်။ သမာနော၊ သော်။ "န ခေါ အဟံ ။ပ။ မောဃမညန္တိ၊ နခေါ အဟံ ။ပ။ မောဃမညံ" ဟူ၍။ (တွံ) ဝဒေသိ၊ ၏။ "ကိံ ပန ဘော အနန္တဝါ လောကော၊ ဣဒမေဝ သစ္စံ ။ပ။ ဘဝန္တိ၊ ကိံ ပန ဘော အနန္တဝါ လောကော၊ ဣဒမေဝ သစ္စံ ။ပ။ ဘဝံ" ဟူ၍။ ဣတိ၊ သို့။ (မယာ) ပုဋ္ဌော၊ သည်။ သမာနော၊ သော်။
"နခေါ အဟံ ။ပ။ မောဃမညန္တိ၊ န ခေါ အဟံ ။ပ။ မောဃမညံ" ဟူ၍။ (တွံ) ဝဒေသိ၊ ၏။ ။ပ။၊ [နောက်ဆုံးဝါကျသို့ သွားအံ့။]
"တေနဟိ ဘဝံ န ဇာနာတိ န ပဿတီတိ၊ တေနဟိ ဘဝံ န ဇာနာတိ န ပဿတိ" ဟူ၍။ ဣတိ၊ သို့။ (မယာ) ပုဋ္ဌော၊ သည်။ သမာနော၊ သော်။
"န ခေါ အဟံ အာဝုသော ။ပ။ အာဝုသော ပဿာမီတိ၊ န ခေါ အဟံ အာဝုသော ။ပ။ အာဝုသောပဿာမိ " ဟူ၍။ (တွံ၊ အရင်သည်။) ဝဒေသိ၊ ပြောဆို၏။
အာဝုသော၊ ငါ့ရှင်။ ကထံ၊ အဘယ်နည်း အဘယ်ပုံအားဖြင့်။ ဘာသိတဿ၊ အရှင်ပြောဆိအပ်သော။ ဣမဿ၊ ဤစကား၏။ အတ္ထော၊ အနက်အဓိပ္ပာယ်ကို။ ဒဋ္ဌဗ္ဗော၊ မှတ်သားရပါမည်နည်း။ ဣတိ၊ ဤသို့။ (အဝေါစ၊ ပြောပြီ။) [ယထာပုဒ်ကို အနက်မရှိနိပါတ်ကြံ။]
အာဝုသော၊ ငါ့ရှင်။ "သဿတော ။ပ။ မညန္တိ၊ သဿတော ။ပ။ မညံ" ဟူသော။ ဧတံ၊ ဤအယူသည်။ ဒိဋ္ဌိဂတံ၊ မိစ္ဆာအယူတည်း။
အာဝုသော၊ ငါ့ရှင်။ "အဿဿတော ။ပ။ မညန္တိ၊ အဿဿတော ။ပ။ မညံ" ဟူသော။ ဧတံ၊ ဤအယူသည်။ ဒိဋ္ဌိဂတံ၊ မိစ္ဆာအယူတည်း။
အာဝုသော၊ ငါ့ရှင်။ အန္တဝါ လောကော၊ ဣဒမေဝ သစ္စံ မောဃမညန္တိ၊ အန္တဝါ လောကော၊ ဣဒမေဝ သစ္စံ မောဃမညံ" ဟူသော။ ဧတံ၊ ဤအယူသည်။ ဒိဋ္ဌိဂတံ၊ တည်း။ အာဝုသော၊ ငါ့ရှင်။ "အနန္တဝါ လောကော၊ ဣဒမေဝ သစ္စံ မောဃမညန္တိ၊ အနန္တဝါ လောကော ဣဒမေဝ သစ္စံမောဃမညံ" ဟူသော။ ဧတံ၊ သည်။ ဒိဋ္ဌိဂတံ၊ တည်း။ ။ပ။၊
အာဝုသော၊ ငါ့ရှင်။ ယာဝတာ၊ အကြင်မျှလောက်သော။ ဒိဋ္ဌိ၊ (၆၂) ပါးသော မိစ္ဆာအယူသည်။ (အတ္ထိ၊ ရှိ၏။) ယာဝတာ၊ သော။ ဒိဋ္ဌိဋ္ဌာနံ၊ မိစ္ဆာဒိဋ္ဌိတို့၏ အကြောင်းဖြစ်သော ခန္ဓာ အဝိဇ္ဇာစသော ရှစ်ပါးသည်လည်းကောင်း။ ဒိဋ္ဌိအဓိဋ္ဌာနံ၊ မိစ္ဆာဒိဋ္ဌိတို့၏ လွှမ်းမိုးတည်ရှိရာ မိစ္ဆာအယူသည်လည်းကောင်း။ ဒိဋ္ဌိပရိယုဋ္ဌာနံ၊ မိစ္ဆာဒိဋ္ဌိတည်းဟူသော ထကြွ သောင်းကျန်းသော တရားသည်လည်းကောင်း။ ဒိဋ္ဌိသမုဋ္ဌာနံ၊ မိစ္ဆာဒိဋ္ဌိတို့ ဖြစ်ရာ ခန္ဓာ အဝိဇ္ဇာအစရှိသော တရားရှစ်ပါးသည်လည်းကောင်း။ ဒိဋ္ဌိသမုဂ္ဃါတော၊ မိစ္ဆာဒိဋ္ဌိအားလုံးတို့ကို ပယ်သတ်တတ်သော သောတာပတ္တိမဂ်သည်လည်းကောင်း။ (အတ္ထိ၊ ရှိ၏။) အဟံ၊ ငါသည်။ တံ၊ ထိုမျှလောက်သော ဒိဋ္ဌိ, ဒိဋ္ဌိဋ္ဌာနစသည်ကို။ ဇာနာမိ၊ သိ၏။ အဟံ၊ ငါသည်။ တံ၊ ထိုမျှလောက်သော ဒိဋ္ဌိ,ဒိဋ္ဌိဋ္ဌာန စသည်ကို။ ပဿာမိ၊ မြင်၏။
အဟံ၊ ငါသည်။ တံ၊ ကို။ ဇာနန္တော၊ သိသည်။ အဟံ၊ သည်။ တံ၊ ကို။ ပဿန္တော၊ မြင်သည်။ (ဟုတွာ၊ ဖြစ်၍။ ဝါ၊ ဖြစ်ခြင်းကြောင့်။) အဟံ၊ သည်။ "န ဇာနာမိ န ပဿာမီတိ၊ မသိပါ မမြင်ပါ" ဟူ၍။ ကိံ၊ အဘယ်ကြောင့်။ ဝက္ခာမိ၊ ပြောဆိုပါအံ့နည်း။
အာဝုသော၊ ငါ့ရှင်။ အဟံ၊ သည်။ ဇာမာမိ၊ သိပါ၏။ မဿာမိ၊ မြင်ပါ၏။ ဣတိ၊ သို့။ (အဝေါစ၊ မိန့်ဆိုပြီ။)
အာယသ္မာ၊ အရှင်သည်။ ကောနာမော၊ အဘယ်အမည်ရှိပါသနည်း။ ကထဉ္စ၊ အဘယ်သို့ အဘယ်ပုံအားဖြင့်လည်း။ အာယသ္မန္တံ၊ အရှင်ဘုရားကို။ သဗြဟ္မစာရီ၊ သီတင်းသုံးဖော်တို့သည်။ ဇာနန္တိ၊ သိကြပါကုန်သနည်း။ ဣတိ၊ သို့။ (အဝေါစ၊ မေးမြန်းပြီ။)
အာဝုသော၊ ငါ့ရှင်။ အာနန္ဒေါ တိ၊ အာနန္ဒ ဟူသည်။ မေ၊ ငါ၏။ နာမံ၊ ဘွဲ့နာမည်ပါတည်း။
မံ၊ ငါ့ကို။ အာနန္ဒေါတိစ၊ အာနန္ဒဟူ၍ပင်။ သဗြဟ္မစာရီ၊ တို့သည်။ ဇာနန္တိ၊ သိကြပါကုန်၏။ ဣတိ (အဝေါစ၊ ပြန်ပြောပြီ။)
ဘော၊ အိုအရှင်တို့။ ဝတ၊ ဖြစ်မှဖြစ်ရလေခြင်း။ မယံ၊ ငါတို့သည်။ မဟာစရိယေန၊ မြင့်မြတ်သော ဆရာနှင့်။ သဒ္ဓိံ၊ အတူတကွ။ မန္တယမာနာ၊ ဆွေးနွေးနှီးနှော ပြေဆိုကြပါကုန်လျက်။ အာယသ္မာ အာနန္ဒေါတိ၊ အရှင်အာနန္ဒာ ဟူ၍။ န ဇာနိမှ ကိရ၊ မသိခဲ့ကြလေကုန်တကာ။ ဟိ၊ အမှန်တကယ်ပြောရလျှင်ကား။ အာယံ အာယသ္မာ၊ ဤအရှင်သည်။ အာနန္ဒေါ၊ အာနန္ဒာတည်း။
ဣတိ၊ ဤသို့။ မယံ၊ ငါတို့သည်။ သစေ ဇာနေယျာမ၊ အကယ်၍ သိကုန်ငြားအံ့။
ဧတ္တကမ္ပိ၊ ဤမျှလောက်သော စကားကိုမျှပင်။ နော၊ ငါတို့၏။ နပ္ပဋိဘာယေယျ၊ ဉာဏ်အားထင်ပေါ်မလာလေရာ။ စ၊ တောင်းပန်လိုပါ၏။ အာယသ္မာ အာနန္ဒေါ၊ သည်။ မေ၊ အကျွန်ုပ်အား။ ခမတု၊ သည်းခံခွင့်လွှတ်တော်မူပါ။ ဣတိ၊ သို့။ (အဝေါစ၊ ပြောဆိုပြီ။)
ဆဋ္ဌံ၊ ။