Kularāsi
524. Pitito bhātari reyyaṇa [ ka .352; rū .376; nī .765].
Pitusaddamhā tassa bhātāti atthe reyyaṇa hoti .
Pitu bhātā petteyyo [ a . ni .6.44].
‘ Rānubandhentasarādissā ’ ti ussa lopo , tassa dvittaṃ .
525. Mātito ca bhaginiyaṃ cho [ ka .352; rū .376; nī .765].
Mātito pitito ca bhaginiyaṃ cho hoti .
Mātu bhaginī mātucchā [ udā .22], pitu bhaginī pitucchā [ saṃ . ni .2.243].
526. Mātāpitūsvāmaho [ ka .352; rū .376; nī .765; caṃ .3.1.60; pā .4.2.36].
Mātāpitūhi tesaṃ mātāpitūsu āmaho hoti .
Mātu mātā mātāmahī , mātu pitā mātāmaho [ ma . ni .2.411], pitu mātā pitāmahī , pitu pitā pitāmaho .
Iti kularāsi .