Ṇādesarāsi
Kira
M0.495 khī , cara , jara , tara , thara , pūra . 745. Kirādīhi ṇo .
Kirādīhi paresaṃ ta , tavantūnaṃ takārassa anantarabhūtassa ṇo hoti , dhātvantassa pararūpattaṃ .
Kira-ākiraṇe sammissana , khipanesu ca , kiritthāti kiṇṇo , pakiṇṇo , ākiṇṇo , vikkiṇṇo , saṃkiṇṇo , samākiṇṇo .
Pūra-pūraṇe , pūritthāti puṇṇo , sampuṇṇo , paripuṇṇo .
Khī-khaye , khiyitthāti khīṇo .
Kiṇṇavā , puṇṇavā , khīṇavā .
746. Tarādīhi riṇṇo [ ka .581; rū .616; nī .1184].
Tarādīhi paresaṃ ta , tavantūnaṃ takārassa anantarabhūtassa riṇṇo hoti .
‘ Rānubandhentasarādissā ’ ti dhātvantabyañjanassa ādisarassa ca lopo .
Cara-gati , bhakkhanesu , carittha , carīyitthāti vā ciṇṇo , āciṇṇo , samāciṇṇo .
Jara-jiraṇe , jiyyitthāti jiṇṇo , anujiṇṇo , parijiṇṇo .
Tara-taraṇe , taritthāti tiṇṇo , uttiṇṇo , nittiṇṇo , vitiṇṇo , otiṇṇo , samotiṇṇo .
Thara-vitthāre , vittharitthāti vitthiṇṇo .
Ciṇṇavā , jiṇṇavā , tiṇṇavā , vitthiṇṇavā .
Iti ṇādesarāsi .