Issues
Select Version
Catukkanipātapāḷi
Catukkanipātapāḷi

1. Anubuddhasuttaṃ

Author: sāsanāre-သာသနာရေး @ IAPT

၁။ ( ဘန္တေ၊ အရှင်ဘုရား။ ဣဒံ၊ ဤအနုဗုဒ္ဓသုတ်ကို။) ဧဝံ၊ ဤသို့။ ဝါ၊ ဤ ယခု လျှောက်ထားမည့်အတိုင်း။ မေ၊ တပည့်တော် အာနန္ဒာသည်။ သုတံ၊ ( မြတ်စွာဘုရား အထံတော်မှ) နာယူမှတ်သား ထားအပ်ပါပြီ။ ( ကထံ၊ အဘယ်သို့။ သုတံ၊ နာယူမှတ်သား ထားအပ်သနည်းဟုမူ။) [ နောက်ထပ် အနက်ပေးနည်းများကို ဧကကနိပါတ် စာပိုဒ် (၁) သုတ်၌ ကြည့်။] ဧကံ၊ တစ်ပါးသော။ သမယံ၊ အခါ၌။ ဘဂဝါ၊ မြတ်စွာဘုရားသည်။ ဝဇ္ဇီသု၊ ဝဇ္ဇီမည်သော ဇနပုဒ်၌။ ဝါ၊ ဝဇ္ဇီတိုင်းပြည်၌။ [ဗဟု ဝုစ်ဝိဘတ်ဖြစ်လျက် ဧကဝုစ်အနက် ပြန်ဆိုရသောပုဒ်တည်း။ တိကနိပါတ်စာပိုဒ်(၆၄) ဝေနာဂပုရသုတ် ( ဒုတိယအကြိမ်ရိုက် ပထမတွဲနိဿယ၊ နှာ ၄၀၅ ကြည့်။] ဘဏ္ဍဂါမေ၊ ဘဏ္ဍမည်သောရွာ၌။ ဝိဟရတိ၊ သီတင်းသုံးနေတော်မူ၏။
တတြ၊ ထိုအခါ၌။ ( ဝဇ္ဇီတိုင်းပြည်, ဘဏ္ဍရွာ၌ မြတ်စွာဘုရား သီတင်းသုံးနေတော်မူရာထိုအခါ၌။) ဝါ၊ မြတ်စွာဘုရားသီတင်းသုံးနေတော်မူရာ ထိုဘဏ္ဍရွာ၌။ ဘဂဝါ၊ မြတ်စွာဘုရားသည်။ ဘိက္ခူ၊ ( စုဝေးထိုင်နေသော) ရဟန်းတို့ကို။
ဘိက္ခဝေါ၊ ရဟန်းတို့။ ဣတိ၊ ဤသို့။
အာမန္တေသိ၊ မိန့်ခေါ်တော်မူပြီ။ ဘဒန္တေ၊ အရှင် ဘုရား။ ဣတိ၊ ဤသို့။ တေ ဘိက္ခူ၊ ထိုရဟန်းတို့သည်။ ဘဂဝတော၊ မြတ်စွာဘုရား၏။ ( အာမန္တနံ၊ မိန့်ခေါ်တော်မူခြင်းကို။ ဝါ၊ အမိန့်စကားတော်ကို။) ပစ္စဿောသုံ၊ ရှေ့ရှုနာယူကြကုန်ပြီ။ ဝါ၊ စကားတုံ့ပြန်, နာခံကြကုန်ပြီ။
ဘဂဝါ၊ သည်။ ဧတံ၊ ဤတရား စကားတော်ကို။ အဝေါစ၊ မိန့်တော်မူပြီ။ ( ကိန္တိ၊ အဘယ်သို့။ အဝေါစ၊ မိန့်တော်မူသနည်းဟူမူ။)
ဘိက္ခဝေ၊ ရဟန်းတို့။ စတုန္နံ၊ လေးပါးကုန်သော။ ဓမ္မာနံ၊ တရားတို့ကို။ အနနုဗောဓာ၊ မသိခြင်းကြောင့်။ အပ္ပဋိဝေဓာ၊ ထိုးထွင်းမသိခြင်းကြောင့်။ ဝါ၊ ကိုယ်တိုင်သိမှု, မျက်မှောက်မပြုနိုင်ခြင်းကြောင့်။ ဧဝံ၊ ဤမျှလောက်။ ဒီဃံ၊ ရှည်လျားလှစွာသော။ ဣဒံ အဒ္ဓါနံ၊ ဤအချိန် ကာလပတ်လုံး။ မမ‌ဉ္စေဝ၊ ငါဘုရားသည်လည်းကောင်း။ တုမှာကဉ္စ၊ သင်ရဟန်းတို့သည်လည်းကောင်း။ သန္ဓာဝိတံ၊ ( ပဋိသန္ဓေနေခြင်းအားဖြင့်) တစ်ဘဝမှ တစ်ဘဝသို့ ပြောင်းရွှေ့ပြေးသွားအပ်ခဲ့လှလေပြီ။ သံသရိတံ၊ ( စုတေခြင်း, ပဋိသန္ဓေ နေခြင်းအားဖြင့်) ထပ်ကာ ,ထပ်ကာ လှည့်လည် အပ်ခဲ့လှလေပြီ။ [ သန္ဓာဝိတံ၊ သံသရိတံ တို့၌ တပစ္စည်းသည် ကံအနက်ကိုဟော၍။ မမ၊ တုမှာကံတို့၌ ဆဋ္ဌီဝိဘတ်သည် ကတ္တားအနက်ကိုဟော၏။] ( တနည်း) ဧဝံ၊ ဤမျှလောက်။ ဒီဃံ၊ သော။ ဣဒံ အဒ္ဓါနံ၊ လုံး။ မမ‌ဉ္စေဝ၊ ငါဘုရား၏ လည်းကောင်း။ တုမှာကဉ္စ၊ သင်တို့၏လည်းကောင်း။ သန္ဓာဝိတံ၊ ( ပဋိသန္ဓေနေခြင်းအားဖြင့်) တစ်ဘဝမှ တစ်ဘဝသို့ ပြောင်းရွှေ့ပြေးသွားရခြင်းသည်။ သံသရိတံ၊ ( စုတေခြင်း, ပဋိသန္ဓေနေခြင်းအားဖြင့်) ထပ်ကာ, ထပ်ကာ လှည့်လည်ရခြင်းသည်။ ( အဟောသိ၊ ဖြစ်ခဲ့ပြီ။) [ ဤနည်း၌ကား တပစ္စည်းသည် ဘောအနက်ဟော၊ ဆဋ္ဌီဝိဘတ်သည် သမ္မန်အနက်ဟောတည်း။]
ကတမေသံ၊ အဘယ်မည်ကုန်သော။ စတုန္နံ၊ လေးပါးကုန်သော။ ( ‌ဓမ္မာနံ၊ တရားတို့ကို။
အနနုဗောဓာ၊ ကြောင့်။ အပ္ပဋိဝေဓာ၊ ကြောင့်။ ဧဝံ၊ လောက်။ ဒီဃံ၊ သော။ ဣဒံ အဒ္ဓါနံ၊ လုံး။ မမဉ္စေဝ၊ သည်လည်းကောင်း။ တုမှာကဉ္စ၊ တို့သည်လည်းကောင်း။ သန္ဓာဝိတံ၊ ( ပဋိသန္ဓေနေခြင်းအားဖြင့်) တစ်ဘဝမှ တစ်ဘဝသို့ ပြောင်းရွှေ့ပြေးသွားအပ်ခဲ့သနည်း။ သံသရိတံ၊ ( စုတေခြင်း , ပဋိသန္ဓေနေခြင်းအားဖြင့်) ထပ်ကာ, ထပ်ကာ လှည့်လည် အပ်ခဲ့သနည်းဟူမူ။)
ဘိက္ခဝေ၊ တို့။ အရိယဿ၊ ဖြူစင်သန့်ရှင်း အပြစ်ကင်းသော။ သီလဿ၊ မဂ်ဖိုလ်နှင့်ယှဉ်သော သီလကို။ အနနုဗောဓာ၊ ကြောင့်။ ပ။ ဘိက္ခဝေ၊ တို့။ အရိယဿ၊ သော။ သမာဓိဿ၊ မဂ်ဖိုလ်နှင့် ယှဉ်သော သမာဓိကို။ ပ။
ဘိက္ခဝေ၊ တို့။ အရိယာယ၊ ဖြူစင်သန့်ရှင်း အပြစ်ကင်းသော။ ပညာယ၊ မဂ်ဖိုလ် နှင့်ယှဉ်သော ပညာကို။ ပ။
ဝိမုတ္တိယာ၊ ဖိုလ်ဝိမုတ္တိကို။ ဝါ၊ ကိလေသာတို့မှ လွတ်မြောက်ပြီးသော ဖိုလ်တရားကို။ ပ။
ဘိက္ခဝေ၊ တို့။ အရိယံ၊ ဖြူစင်သန့်ရှင်း အပြစ်ကင်းသော။ တယိဒံ သီလ၊ ထိုမဂ်ဖိုလ်နှင့် ယှဉ်သော သီလကို။ အနုဗုဒ္ဓံ၊ သိအပ်ပြီ။ ပဋိဝိဒ္ဓံ၊ ထိုထွင်းသိအပ်ပြီ။ အရိယော၊ ဖြူစင်သန့်ရှင်း အပြစ်ကင်းသော။ သော အယံ သမာဓိ၊ ထိုမဂ်ဖိုလ်နှင့်ယှဉ်သော သမာဓိကို။ အနုဗုဒ္ဓေါ၊ ပြီ။ ပဋိဝိ‌ဒ္ဓေါ၊ ပြီ။ အရိယာ၊ သော။ သာ အယံ ပညာ၊ ထိုမဂ်ဖိုလ်နှင့်ယှဉ်သော ပညာကို။ ပ။ သာ အယံ ဝိမုတ္တိ၊ ထိုဖိုလ်ဝိမုတ္တိကို။ [ တယိဒံ– ကိုပင် " သော အယံ၊ သာအယံ" ဟု လိင်ပြင်၍ လိုက်ပေးသည်။] ။ပ။ ဘဝတဏှာ၊ ဘဝတို့၌ တပ်မက်သော တဏှာကို။ ဥစ္ဆိန္နာ၊ ပယ်ဖြတ်အပ်ပြီးပြီ။ ဘဝနေတ္တိ၁။ဘဝနေတ္တိ။ ။ ဘဝနေတ္တိပုဒ်ကို အဋ္ဌကထာ၌ " တာယ ဟိ သတ္တာ ဂေါဏာ ဝိယ ဂီဝါယ ဗန္ဓိတွာ တံ တံ ဘဝံ နီယန္တိ၊ တသ္မာ ဘဝနေတ္တီတိ ဝုစ္စတိ" ဟူ၍ အဝုတ္တကတ္တုသာဓနဖွင့်၏။ သုတ်မဟာဝါ၊ မဟာပရိနိဗ္ဗာနသုတ် အဋ္ဌကထာ (၁၃၃) ၌လည်း " ဘဂဝတော ဘဝံ နယနသမတ္ထာ တဏှာရဇ္ဇု" ဟူ၍ ဝုတ္တကတ္တုသာဓနဖွင့်၏။
ဤ သုတ်ဋီကာ၌မူ " တဏှာရဇ္ဇုနာ ဗဒ္ဓံ သတ္တသန္တာနံ အဘိသင်္ခါရော ဘဝန္တရံ နေတိ ဧတာယာတိ ဘဝနေတ္တိ" ဟူ၍ ကရဏသာဓန ဝစနတ္ထပြု၏။ ထိုဋီကာအလို " ဘဝနေတ္တိ၊ ဖွဲ့ချည်ခံရသော သတ္တဝါ ခန္ဓာအစဉ်ကို ဘဝတစ်ပါးသို့ ကုသိုလ်, အကုသိုလ်စေတနာ၏ ဆွဲငင်ခေါ်ဆောင်ကြောင်း ဖြစ်သော တဏှာကြိုးသည်" ဟု အနက်ဆိုပါ။
၊ ဘဝတဏှာကြိုးသည်။ ဝါ၊ သတ္တဝါတို့ကို ထိုထိုဘဝသို့ ဆွဲငင်ခေါ်ဆောင်တတ်သော တဏှာကြိုးသည်။ ခီဏာ၊ ကုန်ဆုံးပြီ။ ဒါနိ၊ ယခုအခါ၌။ ပုနဗ္ဘဝေါ၊ နောက်ထပ်ဖြစ်မည့် ဘဝသစ်သည်။ နတ္ထိ၊ မရှိတော့ပြီ။ ဣတိ၊ ဤသို့။ ( အဝေါစ၊ မိန့်တော်မူပြီ)
ဘဂဝါ၊ ( ဘုန်းတော်ကြီးမား) မြတ်စွာဘုရားသည်။ ဣဒံ၊ ဤစုဏ္ဏိယစကားပြေ တရားဒေသနာတော်ကို။ အဝေါစ၊ မိန့်တော်မူပြီ။
သုဂတော၊ ( ကောင်းသော စကားကို မိန့်ဆိုတော်မူသော) မြတ်စွာဘုရားသည်။ ဣဒံ၊ ဤစုဏ္ဏိယ စကားပြေ တရားဒေသနာတော်ကို။ ဝတွာန၊ မိန့်တော်မူပြီး၍။ အထ၊ မိန့်တော်မူပြီးရာ ထိုအခါ၌။ သတ္ထာ၊ နတ်လူတို့၏ ဆရာသခင်မြတ်စွာဘုရားသည်။ အပရံ၊ အခြားတစ်မျိုးသော။ ဧတံ၊ ဤသီကုံးဖွဲ့စပ်, ဂါထာတော်မြတ်ကို။ အဝေါစ၊ ပြီ။ ( ကိန္တိ၊ အဘယ်သို့။ အဝေါစ၊ မိန့်တော်မူသနည်းဟူမူ)။
သီလံ၊ မဂ်ဖိုလ်နှင့်ယှဉ်သော သီလကိုလည်းကောင်း။ သမာဓိ၊ မဂ်ဖိုလ်နှင့်ယှဉ်သော သမာဓိကိုလည်းကောင်း။ ပညာစ၊ မဂ်ဖိုလ်နှင့်ယှဉ်သော ပညာကိုလည်းကောင်း။ ဝိမုတ္တိ စ၊ ဖိုလ်ဝိမုတ္တိကိုလည်းကောင်း။ အနုတ္တရာ၊ မိမိထက် ထူးကဲသာလွန် မွန်မြတ်သော တရားမရှိကုန်သော။ ဝါ၊ အထူးမြတ်ဆုံးတရားဖြစ်ကုန်သော။ ဣမေ ဓမ္မာ၊ ဤလောကုတ္တရာတရားတို့ကို။ ယသဿိနာ၊ များသော အခြံအရံ အကျော်အစော ရှိတော်မူသော။ ဂေါတမေန၊ ဂေါတမနွယ်ဖွား, ရှင်တော်မြတ်ဘုရားသည်။ အနုဗုဒ္ဓါ၊ သိတော်မူအပ်ကုန်ပြီ။
ဣတိ၊ ဤသို့လျှင်။ ဗုဒ္ဓေါ၊ မြတ်စွာဘုရားသည်။ ( ဣမေ ဓမ္မေ၊ ဤ လောကုတ္တရာတရားတို့ကို။) အဘိညာယ၊ သိတော်မူပြီး၍။ ဘိက္ခုနံ၊ ရဟန်းတို့အား။ ဓမ္မံ၊ တရားကို။ အက္ခာသိ၊ ဟောကြားတော်မူပြီ။ ဒုက္ခဿ၊ ဝဋ်ဒုက္ခအားလုံး၏။ အန္တကရော၊ အဆုံးကိုပြုတော်မူသော။ ( မိမိသန္တာန်, သူတစ်ပါးသန္တာန်၌ ကင်းပျောက်ပျက်သုဉ်း ကုန်ဆုံးခြင်းကို ပြုတော်မူသော) စက္ခုမာ၊ ငါးပါးသော မျက်စိရှိတော်မူသော။ ( ဗုဒ္ဓ, ဓမ္မ, သမန္တနှင့် မံသ, ဒိဗ္ဗာ ငါးဖြာသောမျက်လုံးရှိတော်မူသော) သတ္ထာ၊ ဆရာသခင် ဘုရားရှင်သည်။ ပရိနိဗ္ဗုတော၊ ကိလေသာခပ်သိမ်း, အပူငြိမ်းခြင်းဖြင့် ငြိမ်းအေးတော်မူပြီ။ ဣတိ၊ ဤသို့။ ( အဝေါစ၊ မိန့်တော်မူပြီ။)