72. Uposathāgārādikathā
141. Anupariveṇiyan ti ettha anusaddassa vicchatthaṃ , pariveṇasaddassa ca liṅgavipallāsabhāvaṃ dassetuṃ vuttaṃ ‘‘ tasmiṃ tasmiṃ pariveṇe ’’ ti .
Pariveṇasaddo hi napuṃsakaliṅgo , idha pana liṅgavipallāsaṃ katvā itthiliṅgavasena vuttaṃ .
‘‘ Saṅketaṃ akatvā ’’ ti iminā asaṅketenāti
V1.251 padassa kiriyāvisesanattaṃ dīpeti .‘‘ Kammavācāyā ’’ ti iminā samūhanitvāti padassa karaṇaṃ dasseti .
142. Yatoti ettha topaccayassa kāraṇatthe pavattabhāvaṃ dassento āha ‘‘ yasmā ’’ ti .
‘‘ Hatthapāse ’’ ti iminā hatthapāsato bahi nisinne akatovassa uposatho hotīti dasseti .
Assāti bhikkhuno .
Vatthuvasenāti aṭṭhuppattivasena .
Uposathassa pamukhassa abbhokāse vā māḷakādīsu vāti sambandho .
Nimittupagā vā animittupagā vāti heṭṭhā aṭṭhasu nimittesu vuttā nimittupagā vā animittupagā vā pabbatādayo vā aññe vā kittetabbā .
Paṭhamataraṃ
M0.294 na āgacchati , dukkaṭan ti uposathe ghosiyamāne paṭhamataraṃ na āgacchati , dukkaṭaṃ .Vihārassa majjhe hotīti yojanā .
Etthāti porāṇake āvāse .
Tatthāti porāṇake āvāse .
Asambādhoti saṅghassa nisajjaṭṭhānapahonako .
Tatthāti pacchā uṭṭhite āvāse .
Sabbesaṃ nisajjaṭṭhānanti yojanā .
Tatthāti therassa vihāre .
Soti therassa vihāro .
Etthāti tumhākaṃ vihāre .
Sabbesaṃ okāso natthīti sambandho .
Tatthāti taṃ asukaṃ nāma āvāsaṃ .
‘‘ Vaṭṭatī ’’ ti vattabbanti yojanā .
Tassāti therassa .