113. Antarāye anāpattivassacchedakathā
201. Avidūreti āsanne .
Tatthāti gāme .
Sattāhavārenāti sattāhe ekavārena .
Aruṇo uṭṭhāpetabboti vihāre aruṇo uṭṭhāpetabbo .
Tatrevāti gāmeyeva .
Mayan ti bhikkhū sandhāya vuttaṃ .
Puna mayan ti manusse sandhāya vuttaṃ .
Tesaṃyevāti vassacchedabhikkhūnaṃ eva .
Tan ti salākabhattādiṃ .
Vassaggenāti vassagaṇanāya .
Vassāvāsikan ti
M0.320 vassāvāsānaṃ dātabbaṃ cīvaraṃ .Tatthāti tasmiṃ vihāre .
Yesaṃ pāpitanti
V1.273 sambandho .Vihāreti vuṭṭhitagāmavihāre .
Upanikkhittakaṃ bhaṇḍanti sambandho .
Idhāti bhikkhuno nivāsaṭṭhāne .
Yaṃ cīvarādivebhaṅgiyabhaṇḍaṃ atthi , tanti yojanā .
Tatthevāti vuṭṭhitagāmavihāre eva .
Itoti khettavatthuādito .
Kappiyakārakānaṃ hattheti sambandho .
Tatruppādepīti tassa vihārassa dinnakhettavatthuādito uppāde paccayepi .
‘‘ Tattheva gantvā apaloketvā bhājetabban ’’ ti vacanassa yuttiṃ dassento āha ‘‘ saṅghikañhī ’’ tiādi .
Antovihāre vāti antosīmāya vā .
Ubhayatthāti antosīmabahisīma saṅkhātesu dvīsu ṭhānesu ṭhitaṃ vebhaṅgiyabhaṇḍanti sambandho .