Saṅghabhattādianujānanakathā
325.‘‘ Saṅghassa
M0.501 bhattan ’’ ti iminā saṅghabhattan ti padassa chaṭṭhīsamāsaṃ dasseti .Saṅghassa atthāya ābhataṃ bhattaṃ kātuṃ na sakkontīti yojanā .
Uddesabhattantiādīsu evamattho veditabboti yojanā .
‘‘ Uddesena laddhabhikkhūnaṃ bhattaṃ kātun ’’ ti iminā uddesena laddhabhikkhūnaṃ kātabbaṃ bhattaṃ uddesabhattan ti vacanatthaṃ dasseti .
Tathevāti yathā saṅghato uddisitvā laddhabhikkhū , tatheva .
Paricchinditvāti ‘‘ ekaṃ vā ’’ tiādinā paricchinditvā .
Tesan ti laddhabhikkhūnaṃ .
Iminā nimantetvā laddhabhikkhūnaṃ kātabbaṃ bhattaṃ nimantanabhattan ti vacanatthaṃ dasseti .
‘‘ Salākāyo chinditvā ’’ ti iminā salākāyo chinditvā kātabbaṃ bhattaṃ salākabhattan ti vacanatthaṃ
V2.141 dasseti .Pakkhikanti uposathikanti pāṭipadikanti evaṃ niyāmetvāti yojanā .
Pañcamīādīsu pakkhesu kātabbaṃ pakkhikaṃ .
Uposathe kātabbaṃ uposathikaṃ .
Pāṭipade kātabbaṃ pāṭipadikaṃ , tameva bhattaṃ pāṭipadikabhattaṃ .
Uddesabhattaṃ nimantanan ti ettha itisaddo ādyattho , uddesabhattaṃ nimantanantiādiṃ imaṃ vohāraṃ pattānīti hi attho .
Uddesabhattādīniyeva anujānanamakatvā kasmā saṅghabhattampi anujānātīti āha ‘‘ yasmā panā ’’ tiādi .
Tattha yasmā sakkhissantīti sambandho .
Teti manussā .
Tampīti saṅghabhattampi .
Pisaddena uddesabhattādīni apekkhati .
Saṅghabhattādīnaṃ vitthāraṃ dassento āha ‘‘ tatthā ’’ tiādi .
Tattha tatthāti ‘‘ saṅghabhattaṃ uddesabhattan ’’ tiādipāṭhe , evaṃ vinicchayo veditabboti yojanā , saṅghabhattādīsu vā niddhāraṇe bhummaṃ , bhuñjantānaṃ amhākaṃ ajja dasa dvādasa divasā ahesunti yojanā .
Aññatoti aññasmā ṭhānā .
Tatthāti saṅghabhatte .
Vattabbāti manussā vattabbā .
Tan ti saṅghabhattaṃ , dhātukammaṃ ,‘‘ amhākan ’’ ti kāritakammaṃ .
Tan ti saṅghabhattaṃ .