3. Tatiyapārājikasikkhāpadaṃ
669. Tatiye
V1.124 assāti ‘‘ dhammena vinayenā ’’ ti padassa .Padabhājanaṃ vuttanti sambandho .
Ñattisampadā ceva anusāvanasampadā ca satthusāsanaṃ nāmāti dassento āha ‘‘ ñatti … pe … sampadāya cā ’’ ti .
Satthusāsanenāti ca satthu āṇāya .
Kamman ti ukkhepanīyakammaṃ .
Tatthāti saṅghe .
‘‘ Vacanaṃ nādiyatī ’’ tiādīsu viya saṅghaṃ vā nādiyatīti ettha nādiyanaṃ nāma nānuvattanamevāti āha ‘‘ nānuvattatī ’’ ti .
Tatthāti saṅghādīsu .
Ayaṃ tāva saṃvāsoti saha bhikkhū vasanti etthāti saṃvāsoti atthena ayaṃ ekakammādi saṃvāso nāma .
‘‘ Saha ayanabhāvenā ’’ tiiminā saha ayanti pavattantīti sahāyāti vacanatthaṃ dasseti .
Teti bhikkhū .
Yehi cāti bhikkhūhi ca .
Tassāti ukkhittakassa .
Tenāti ukkhittakena .
Attanoti ukkhittakassāti .
Tatiyaṃ .