11. Ekādasamasikkhāpadaṃ
1167. Ekādasame tatthāti ‘‘ pārivāsiyachandadānenā ’’ ti vacane .
Aññatrāti aññaṃ ṭhānaṃ .
Ekaṃ ajjhesantīti ekaṃ bhikkhuṃ dhammakathanatthāya niyyojenti .
Aññaṃ panāti uposathikato aññaṃ pana .
Tatrāti tesu bhikkhūsu .
Subhāsubhaṃ nakkhattaṃ paṭhatīti nakkhattapāṭhako .
Dāruṇan ti kakkhaḷaṃ .
Teti bhikkhū .
Tassāti nakkhattapāṭhakassa bhikkhussa .
‘‘ Nakkhattaṃ paṭimānentaṃ , attho bālaṃ upaccagā ’’ tijātakapāḷi ( jā .1.1.49).
Ayaṃ panettha yojanā – nakkhattaṃ paṭimānentaṃ bālaṃ attho hitaṃ upaccagā upasamīpe atikkamitvā agāti .
Ekādasamaṃ .