185. Catumahāpadesakathā
305. Idaṃ na kappatītiādīti ‘‘ idaṃ na kappatī ’’ tiādayo ime cattāro mahāpadeseti yojanā .
Apassayaṃ katvā disiyanti etthāti apadesā okāsā , apassayaṃ katvā disiyanti etehīti vā apadesā kāraṇā ,‘‘ mahantā apadesā mahāpadesā .
Tañcāti mahāpadesasaṅkhātaṃ tañca suttaṃ , gahetvāti yojanā .
Parimaddantāti punappunaṃ maddantā , upaparikkhantāti attho .
Idan ti kāraṇaṃ .
Tan ti navamahāphalaaparaṇṇaṃ .
Tānīti khuddakaphalapānāni .
Hīti saccaṃ .
Tesan ti channaṃ cīvarānaṃ .
Tatthāti chasu anulomacīvaresu .
‘‘ Pāṇakehi sañjātavatthan ’’ ti iminā koseyyavatthabhāvaṃ dasseti .
Dve paṭāti cīnapaṭasomārapaṭā .
Dukūlaṃ sāṇassa anulomanti yojanā .
Tesaṃyevāti dvinnaṃ pattānameva .
Tesaṃyevāti tiṇṇaṃ tumbānameva .
Tesaṃyevāti dvinnaṃ kāyabandhanānameva .
Setacchattan ti setehi vatthehi kataṃ chattaṃ .
Tesaṃyevāti tiṇṇaṃ chattānameva .
Sambhinnarasan ti saṃsaggarasaṃ .
Ettha bhijjitthāti bhinnoti vacanatthena bhididhātu dvidhākaraṇasaṅkhāto bhedattho hoti , dhātvatthabādhakena saṃtyūpasaggena bhididhātuyā bhedatthaṃ bādhetvā saṃsaggatthavācako hotīti daṭṭhabbaṃ .
Challimpīti tacampi .
Sakalenevāti challiyā eva .
Pāyāsena asaṃsaṭṭhaṃ yaṃ sabbīti yojanā .
Tānīti takkolajātiphalādīni .
Yaṭṭhimadhukādīsupīti madhulaṭṭhikādīsupi .
‘‘ Laṭṭhimadhukādīsupī ’’ ti vā pāṭho , so apāṭhoyeva .
Yaṃ yan ti vatthu .
Yathāti yenākārena , dhoviyamāne tacchiyamāneti sambandho .
Sambhinnarasanti
M0.360 vatvā tamevatthaṃ dassetuṃ vuttaṃ ‘‘ saṃsaṭṭhan ’’ ti .Sabhāvan ti yāvakālaṃ kappiyasabhāvaṃ
V2.25 .Tasmāti yasmā upaneti , tasmā .
Tenāti sattāhakālikena .
Tadahupaṭiggahitan ti tadaheva paṭiggahitaṃ .
Dvīhapaṭiggahitena sattāhakālikenāti sambandho .
Etthāti kālikasaṃsagge .
Āpattiyo veditabbāti yathākkamaṃ āpattiyo veditabbā .
Sabbatthāti sabbasmiṃ bhesajjakkhandhake .
Iti bhesajjakkhandhakavaṇṇanāya yojanā samattā .