11. Ekādasamanissaggiyapācittiyasikkhāpadaṃ
784. Ekādasame garupāvuraṇaṃ nāma sītakāle pāvuraṇavatthanti dassento āha ‘‘ sītakāle pāvuraṇan ’’ ti .
Sītakāle hi manussā thūlapāvuraṇaṃ pārupanti .
‘‘ Catukkaṃsaparaman ’’ ti ettha kaṃsa saddo bhuñjanapatte ca suvaṇṇādilohavisese ca catukahāpaṇe cāti tīsu atthesu dissati , idha pana catukahāpaṇe vattatīti dassento āha ‘‘ kaṃso nāma catukkahāpaṇiko hotī ’’ ti .
Catukkaṃsasaṅkhātaṃ paramaṃ imassāti catukkaṃsaparamaṃ , soḷasakahāpaṇagghanakaṃ pāvuraṇanti atthoti .
Ekādasamaṃ .