Sattasamathanānātthādivaṇṇanā
354. Mātāputtādīnaṃ ayaṃ vivādoti yojanā .
‘‘ Viruddhavādattā ’’ ti iminā vadanaṃ vādo , viruddho vādo vivādoti nibbacanaṃ dasseti .
Adhikaraṇīyatāyāti vūpasamitatāya .
Iminā adhikariyati samathehi vūpasamiyatīti adhikaraṇan ti vacanatthaṃ dasseti .
Sabbatthāti sabbesu adhikaraṇabhedesu .
Iti adhikaraṇabhedavaṇṇanāya yojanā samattā .