အထ၊ ဝန်ခံရာ ထိုအခါ၌။ နံ၊ ထိုပရဝါဒီကို။ တမတ္ထံ၊ ထို အနက် အဓိပ္ပါယ်ကို။ သလ္လက္ခာပေတုံ၊ မှတ်သားစေခြင်းငှါ။ ကုသလ၊ ပေ၊ သင်္ခါတေဟိ၊ ကုသိုလ် ဝိပါက် ကြိယာဟု ဆိုအပ်ကုန်သော။ သမာ ပတ္တေသိယာဒီဟိ၊ သမာပတ္တေသိယ အစရှိသော စိတ်တို့နှင့်။ သံသန္ဒိတွာ၊ နှီးနှော၍။ ပုစ္ဆိတုံ၊ ငှါ။ သမာပတ္တေသိယောတိအာဒိ၊ အာဟ၊ ပြီ။

၁။ အဓိပ္ပါယံ အသလ္လက္ခေန္တော။ ။“ရူပရာဂေါ ရူပဓာတုံ အနုသေတိ ရူပဓာတုပရိယာပန္နော”ဟူသော ပုစ္ဆာ၌ ရူပရာဂသည် ရူပဓာတ်နှင့်တကွဖြစ်သည်၏ အဖြစ်အားဖြင့် အစဉ်လိုက်၍ ကိန်းသလော-ဟု မေးအပ်သည်၏အဖြစ်ကို၎င်း၊ ရူပဓာတ် တရားတို့တွင် အမှတ်မထား တပါးပါးသော တရား၏အဖြစ်ဖြင့် ရူပဓာတ်၌ အကျုံး ဝင်သလော-ဟု မေးအပ်သည်၏ အဖြစ်ကို၎င်း မမှတ်သားနိုင်သည်ကို “အဓိပ္ပါယံ အသလ္လက္ခေန္တော”ဟု ဆိုသည်။

၂။ တမတ္ထံ သလ္လက္ခာပေတုံ။ ။"ဆိုအပ်ပြီးသော အဓိပ္ပါယ်ကို နားလည် စေရန် သမာပတ္တေသိယ စသည်တို့နှင့် ရောနှော၍ မေးခြင်း"ဟူရာ၌ ပါဠိတော်ဝယ် “သမာပတ္တေသိယ, ဥပပတ္ထသိယ ဒိဋ္ဌဓမ္မသုခဝိဟာရ”ဟု ၃-မျိုးရှိရာ သမာပတ်ကို ရှာမှီးသော တရားဟူသည် ကုသိုလ်ဈာန်စိတ်တည်း။ ဥပပတ္တေသိယ တရားဟူသည် ဝိပါက်ဈာန်စိတ်တည်း။ ဒိဌဓမ္မသုခဝိဟာရ ဟူသည် ရဟန္တာဖြစ်ပြီးမှ ရအပ် ဝင်စား အပ်သော ကိရိယဈာန်စိတ်တည်း။ ဤကုသိုလ်, ဝိပါက်, ကိရိယာဈာန်စိတ်တို့နှင့်တကွ ဖြစ်သလောဟု မေးခြင်းကို နားလည်စေလျှင်အဓိပ္ပါယ်ကိုနားလည်စေပြီး ဖြစ်တော့၏။